CHAPTER 37: 4 Months Later

Namimili si Kim sa grocery ng mapansin niya ang komosyon ng mga tao malapit sa counter. Nang makalapit dun ay narinig niya ang sinabi ng isang babae.

"Mas gwapo pala sa personal si Marco Chavez!"

Bigla siyang natigilan nang marinig ang pangalan na yun. Umatras siya at lumayo. Maya maya ay natigilan siya. Biglang may isang bahagi ng isip nya ang nagsasabi na sulyapan ito. Bumalik siya malapit sa counter, nakita nya si Marc habang binabayaran ang mga pinamili nito.

Biglang tumibok ng mabilis ang puso niya pagkakita dito. Apat na buwan na ang nakakaraan pero kapareho pa rin ng dati kung paano tumibok ang puso niya. Sa kabila ng lahat ng naranasan niyang masasakit ay nanatili pa rin ang pagtibok ng puso niya para sa lalakeng yun.

Naalala niya nung nakaraang buwan ng mabalita sa social media ang pagdating niya at ni Samantha sa Pilipinas galing U.S.

May post din si Samantha sa instagram na picture niya habang pinapakita ang daliring may suot na singsing. Inanounce din niya sa instagram n