KABANATA 23

Ang usapan ay dapat na magkasabay silang dalawa ni Declan ngayon sa pananghalian, subalit nang makarating si Phoebe sa clinic ay mistulang nawaglit na si Margaux sa isip ng lalaki at iniwan na lamang siyang bigla ng mga ito nang makabalik na ang dalaga kakagaling sa pag-re-refill ng inumin.

Si Mera pala ang kasama ni Phoebe na pumarito sa rancho at bonus na lamang si Lucy at Kevin, pati na rin si Mang Lando na ngayon ay siyang kasama ng dalaga sa pagkain para sa pananghalian.

Iilan sa mga tauhan ni Declan sa rancho ay sinipat na rin ang kinaroroonan nilang lamesa at napasabay na rin kalaunan sa kanila upang roon na rin makikain na panay ang pasaring sa kanya subalit lahat ng iyon, ay sinusuklian lamang ni Margaux ng magalang na pagtango o kahit ngisihan ang mga ito.

Nasa kalangitnaan na ang dalaga sa pagsubo ng pagkain nang matanawan ni Margaux sa di kalayuan ang papalayong yabag ng kabayo ni Declan na nagngangalang Timmy sakay na nga roon ang lalaki, at s