[CHRIS] Part8.18: Chapter18

ALAS onse ng gabi nang matapos siya maligo't gamutin ang kanyang sugat, nilinis na rin niya lahat ng mga kalat at dumi sa buong bahay bago siya nagpahinga. Pati na rin ang natutulog na si Yancheng ay pansamantala niya munang inilagay sa lugar na hindi makikita nang sinuman. Lalo na ang mga patalim at chainsaw na ginamit niya pangputol sa paa ni Yancheng.

Kinabukasan, nagluluto pa lang siya ng agahan nang makarinig siya ng pagdoorbell. Hugot hiningang napahipan siya sa kawalan kapagkuwan ay matapang niyang hinirap ang mga taong nasa labas ng gate. Bumungad sa kanya ang tatlong taong pamilyar sa kanya nang pagbuksan niya ang mga ito ng gate.

"Good morning, Mr. Sarmiento. Nakatanggap kami ng tawag at text sa unknown number na ito." Panimula ng isang pulis. Ipinakita pa nito ang nilalaman ng mensahe.

Napalunok siya't pasimpleng ikinuyom niya ang isa niyang kamao nang makita niyang naroon sa ikalawang pangungusap ang address ng bahay. Sa mga sandaling iyon hindi niya maiwasan makaramdam ng