Chapter 69

“Hanggang ngayon hindi ako makapaniwala na kapatid mo si Wren Leath,” saad ni Luca. Nakahiga ito sa kama sa loob ng sekretong silid sa opisina nito sa Casa de Lujuria. Yakap nito ang dalagang si Carnation na unan ang braso niya.

“Hindi ko rin alam kung ano ang dapat kong maramdaman noong unang beses kong malaman. Pakiramdam ko pinaglaruan ako ng lahat. Pero ang totoo may parte sa puso ko na sobrang sumaya dahil kapatid ko pala talaga ang lalaking pinangarap kong maging nakatatandang kapatid noon.” Yumakap sa katawan ni Luca ang dalaga. “Pero hindi ko masabi na masaya akong nalaman na kapatid ko siya, galit pa rin ako sa ginawa niya.”

“Does that mean you wish to be with Wregan again?” kaswal na tanong ni Luca. Ngunit kinakabahan sa magiging sagot ni Carnation. Paano kung hilingin nito na bumalik kay Wregan? F*ck. Ito na naman siya sa pag-overthink. Siya na ang pinili ni Carnation, hindi na magbabago ang pasya nito. Hindi nga ba?

“Hindi.” Naging mahigpit ang ya