Chapter 84

Mabilis na inagaw ng katulong ang tasa na hawak ni Carnation, sa gulat marahas niya itong nilingon. "Manang! G-ginulat mo ako."

"Pasensya na ma'am. Ano ho ang gusto niyo? Ako na ang gagawa," presenta nito at hinila siya paupo sa high chair. "Gusto niyo ng kapi?"

"H-hindi na manang, okay lang ako." Tumayo siyang muli. "Kaya ko naman ang sarili ko, ako na po ang gagawa—"

"Ma'am… mahigpit na bilin po sa amin ni Sir Luca na pagsilbihan kayo."

"Pero kaya ko po—"

"Mawawalan ako ng trabaho kapag hinayaan ko kayong gawin ang gusto niyo Ma'am." Hindi natuloy ni Carnation ang paglapit sa countertop para ipaghanda ang sarili ng kapi. Malalim siyang napasinghap. Hinarap niya muli ang katulong at tipid itong nginitian.

“Mukhang wala na nga akong magagawa.” Pagsuko niya at hinayaan na itong ipagtimpla siya ng kapi. Pinagkasya na lamang niya ang sarili sa pag-upo sa high chair at inaliw ang sarili sa pagtingin sa mga gamit sa