Chapter 99

Malaki ang mansion ng mga Doukas, at aminado si Carnation na mas malawak pa ang mansion na ito kung ikukumpara sa mansion ng kuya Wren niya. Grabe, totoo nga na napakayaman ng mga Doukas, kung nagkataon na hindi nagparaya si Petunia at mas pinili nito na ipaglaban ang nararamdaman nito kay Luca. Duda siyang makakaya niyang makipagsabayan dito, sa awrahan pa lang medyo tagilid na siya, talagang napakaganda kasi nito at kung yaman naman ang pag-uusapan… no comment na lang siya.

"Nagulat ako nang malaman na bibisita kayo dito sa bahay," bungad ni Petunia sa kanila, nang makapasok silang lahat ng mansion at naupo sa salas.

"I'm sorry. Itong si Wregan kasi mapilit, wala naman akong choice kasi ang kulet din talaga ng damuho na ito," paumanhin ni Kara sa pinsan.

"I see. Naghihintay na si daddy sa office niya. Lahat ba kayo papasok sa loob?" worried na tanong ni Petunia nang makita silang sampo.

"No. Silang tatlo lang ang papasok sa loob para kausapin ang