CHAPTER 2

THE STEPDAUGHTER OBSESSION (SSPG)

CHAPTER 2

KYLIE POV

Nagpalinga-linga ako sa paligid at hinanap ang Mommy ko, kanina pa ako dumating, pero hindi ko pa sila nakita ni Daddy.

Muntik na akong matumba, nang mabangga ako ng isang lalaki. Pero mabuti nalang at nasalo niya ako.

“Ikaw ‘tong bumangga sa akin,” inis akong natawa, dahil sa kanyang sinabi.

“Kahit tingnan pa natin ngayon ang lahat ng cctv footage.” Mas lalo akong nakaramdam nang inis, dahil sa kanyang sinabi, habang tiningnan ko siya.

“Ang kapal ng mukha mo.” Galit na wika ko, habang aalis na sana. Pero nang makita ko si Mommy, ay agad akong napangiti sa kanya. Habang nilapitan siya.

“Mommy!!” Tuwang wika ko, habang mahigpit ko siyang niyakap, medyo matagal na rin kasi bago ako umuwi, at ngayong tapos na ako sa pag-aaral ko, gusto kong manatili nalang sa amin, para makasama sila ni Daddy.

“Anak, kanina ka pa ba?” Tanong niya sa akin, habang tumango ako sa kanya.

“Si Daddy?” Tanong ko kay Mommy, habang napansin kong nag-iwas siya nang tingin sa akin.

“Bakit Mommy, may problema ba?” Tanong ko sa kanya, habang mabilis siyang nailing.

“Halika na, Daxton, sumama kana rin sa amin.” Kunot-noo akong na-patingin sa lalaking bumangga sa akin kanina, dahil sa sinabi sa kanya ni Mommy.

“Magkakilala kayo?” Tanong ko kay Mommy, habang tumango siya sa akin.

“Siya pala ang isa sa business partner ko, malapit ko rin siyang kaibigan.” Wika ni Mommy, habang na-patingin ako sa lalaki. Mukha kasing hindi mapagkakatiwalaan ang mukha niya.

“Kung gano’n, bakit kasama mo siyang nagsundo sa akin Mommy?” tanong ko, dahil hindi ko nagustuhan ang pagiging close nila sa isa’t-isa. Isa pa, baka kasi makita sila ni Daddy at magselos siya sa kanila.

“Anak, kilala naman siya ng daddy mo, at malapit din silang mag-kaibigan,” wika sa akin ni Mommy, habang hindi ko man lang tiningnan ang lalaking kasama niya, dahil mukha pa lang niya, ay wala na akong tiwala. Aaminin kong gwapo siya, pero wala pa rin akong pakialam.

Nang dumating kami sa bahay, ay pina-una na ako ni Mommy na bumaba, dahil may pag-uusapan pa raw sila. Wala naman akong pakialam kung ano ang pag-uusapan nila, dahil alam kong tungkol pa rin ‘yon sa negosyo.

“Manang, anong oras ba uuwi si Daddy?” tanong ko sa katulong, hindi ko naman mapigilan na nakaramdam nang inis, dahil hindi siya sumagot sa akin.

“Kylie, anak!” Mabilis akong napalingon at nakita si Daddy, kaya dali-dali akong lumapit sa kanya, at mahigpit siyang niyakap.

“Daddy, bakit hindi mo ako sinundo?” nagtatampo na tanong ko sa kanya.

“Anak, sinabi ko na sa ‘yo na busy ang daddy mo sa trabaho niya.” Bumitaw ako kay Daddy, habang napalingon ako kay Mommy.

“Sige, pero kailangan mong bumawi sa akin Daddy..” Ngiting wika ko sa kanya, habang nailing siya sa akin.

“Hanggang ngayon talaga, hindi ka pa rin nagbabago.” Ngiting wika niya sa akin, habang mahigpit ko siyang niyakap. Nang mapansin ko naman na medyo lumayo si Mommy sa amin, ay agad ko siyang hinila, para yakapin din siya ni Daddy.

“Aalis na tayo.” Napatingin ako kay Daddy, matapos niyang bitawan si Mommy.

“Magbibihis lang muna ako Daddy.” Paalam ko sa kanila, habang mabilis kong pinuntahan ang silid ko. Nang makapasok ako sa silid ko, ay hindi ko mapigilan ang sarili ko na haplusin ang kama ko, dahil sobra ko itong na-miss.

“Gusto kong dito kaming tatlo matutulog ngayon, katulad ng dati.” Mabilis akong tumayo at nagbihis. Inayos ko lang ang sarili ko, at muli na akong bumaba.

“May problema ba?” Tanong ko sa mga magulang ko, dahil napansin ko na parang nag-aaway sila. Sabay naman silang ngumiti, habang tiningnan ako.

“Wala anak, may pinag-usapan lang kami ng daddy mo.” Wika sa akin ni Mommy, habang nilagay ko ang magkabilang kamay ko sa kanilang mga braso.

“Tara na, ‘wag na muna ninyong pag-usapan ang tungkol sa mga negosyo niyo, ako na muna ang atupagin niyo.” Wika ko sa kanilang dalawa, habang kini-kiss ko ang pisngi nila.

Nang makarating kami restaurant na paborito ko, ay agad kong in-order ang nga pagkain na matagal ko nang hindi natitikman. Pati na rin ang mga pagkain na gusto ni Mommy at Daddy ay in-order ko na.

“Bakit hindi pa kayo nagsusubuan katulad dati?” Tanong ko sa kanila, habang gulat silang napatingin sa akin.

“Anak naman, nakakahiya nang gawin ‘yon.” Napangiti ako kay Mommy, habang na-patingin ako sa kanila.

“Sa bagay, ‘wag kayong mag-alala. Bibigyan ko nalang kayo ng apo.” Wika ko, habang sabay silang na-patayo, kaya taka akong napatingin sa kanila.

“Anong problema?”

“Kylie, ano ba ‘yang pinagsasabi mo? Ang bata mo pa para mag-asawa, kaya pwede bang ‘wag mong gawin ‘yon.” Taka akong na-patingin kay Mommy, habang nakita ko ang galit sa mukha niya.

“Akala ko ba, gusto niyo na ng apo?”

“Anak, masyado pa kaming mga bata, para tawagin lola at lolo, kaya kung pwede, ‘wag kana munang mag-asawa.” Malawak akong napangiti, kay Daddy, dahil sa kanyang sinabi, habang tumango ako sa kanya.

“Pero pwede ba ba akong nagkaroon ng boyfriend?”

“Hindi!” sabay na wika nilang dalawa, kaya muling napa-kunot ang noo ko, nasa tamang edad na rin ako, pero hindi pa rin nila ako pinapayagan na magkaroon ng boyfriend.

“Sige na, kumain na muna tayo, at ‘wag na muna natin pag-usapan pa ang ganyang mga bagay.” Wika ni Mommy, habang nag-umpisa na akong kumain. Hindi ko naman mapigilan na magtaka, dahil parang nag-iba ang mga kilos nila.

Nang matapos kaming kumain, ay pumunta kami sa paborito naming pasyalan noon noong bata pa lang ako.

Nang napalingon ako kay Daddy, ay napatitig ako sa babaeng kausap niya. Hindi ko maiwasan na magtaka, habang na-patingin sa kanila, dahil parang ang close nila sa isa’t-isa.

“Dad, sino siya?” Tanong ko kay Daddy, habang kita ko ang gulat sa mukha niya, habang tiningnan ako.

“Kasamahan ko siya sa trabaho anak, nakita ko lang siya rito, kaya tinawag ko.” Wika sa akin ni Daddy, habang tumango ako sa kanya.

“Dad, pwede bang ‘wag kang makipag-usap sa ibang mga babae, dahil ayokong magselos si Mommy.” Wika ko kay Daddy, habang pinulupot ko sa braso niya ang mga kamay ko.

“Tara na Dad..” Muling wika ko, habang mabilis na tumango si Daddy sa akin.