Kabanata 4

 

Sinapo ko ang masakit kong anit at ulo,  maging ang kamay ko ay masakit din. Namumula mula pa ito ng tingnan ko pero hindi ko maiwasang mapangiti. Ngayon ko lang natuklasang may marahas pala akong side. Dahil sa unang pagkakataon nagawa kong manakit ng pisikal sa sobrang galit at upang ipagtanggol na rin ang aking sarili. Madalas mahinahon ako pero sa nasaksihan ko nawaglit lahat ng pasensyang inipon ko. Kahit sino naman ang nasa sitwasyon ko magpupuyos sa galit. 

Inayos ko ang nagulong buhok ko dahil sa pagkakasabunot ni Roy habang sakay  ako ng elevator. Hindi ako makapaniwala, nagawa niya akong saktan, physically and emotionally.

Roy deserved my punch and kick. Kulang pa nga iyon kumpara sa sakit na naidulot niya sa akin. Inunawa ko siya ng paulit-ulit dahil abala kuno siya sa negosyo ng pamilya niya pero wala akong kaalam-alam na niloloko n’ya lang pala ako.  Na iba pala ang pinagkakaabalahan niya. Pinagmukha niya akong tanga.<