Ika-dalawampu't Isang Kabanata

'Moon Laurice.'

Paulit-ulit ang pagsagi niyon sa isipan ko mula ng makauwi sa bahay kagabi. May pagkakataon pa na napapatulala ako sa kawalan at napapasilay ang ngiti sa labi.

Moon Laurice, pagkatapos ay Buwan ang magiging palayaw ng anak ko? OMG! Baka naman mapagtawanan pa sa eskwelahan ang anak ko kapag nag-aral na. Hindi na ako nakaangal pa sa mga pinagsasabi ni Lance kagabi, doon sa harapan ng malawak na tubig-alat. Moment niya nga naman kasi 'yon.

I just agreed, then after that he drove home, at sumama na ako. Nanatili lamang akong tahimik habang binabaybay namin ang ruta patungo sa bahay, gan'on rin naman siya. Nakatuon lang ang paningin niya sa daan the whole time.

Ngunit ang mas kinabahala ko kay Lance ay ang pagkusa niya na pagtabi sa akin sa pagtulog. I mean, not that intimate, sweet na tulog mag-asawa ha. Eh, hindi naman kasi siya natutulog sa isang kwarto kasama ako, may time na oo, pero napilitan lang sa pag-inarte ko. Inalok niya pa nga ako ng gatas bago matulog, then he said goodnight to me.

Seryoso talaga siya na gawin akong panakip-butas, rebound sa nasasaktan niyang puso ngayon. Ouch! Well, wala naman sigurong mawawala sa akin kung subukan ko ang second deal na hinihiling niya. Hindi na lang ako masiyadong magpapa-apekto para sa huli'y hindi ko kailangang lumagpak ng masakit sa pagkakahulog rin. Focus lang ako sa agenda, no more else. At isa pa, sayang rin ang offer niya na bussiness expansion sa 'kin, hahaha.

But wait, paano kung mahalin nga niya ako, tapos syempre kailangan same feelings kami sa isa't-isa, right? Paano 'yon? So should I also teach myself to love him, too? Para 'di ba, hindi maging one sided-love ang lahat. Ay, ano ba 'yan!

Nasapo ko na lang ang aking noo ng maisip ang bagay na 'yon. Ka-stress.

Ipinagpatuloy ko ang pagsisipilyo habang nakaharapa sa malawak na salamin ng banyo. Katatapos ko lang din maligo, alas nuebe na siguro ng umaga. Panibagong araw, papasok na naman sa trabaho, sana'y umayon ang araw na 'to sa akin.

"Ay diyos ko!" Napahawak ako sa aking dibdib sa pagkagulat. Paano ba naman kasi'y pagkabukas ko ng pinto'y ang bulto ni Lance ang bumungad sa akin. "Ano'ng ginagawa mo riyan?"

"I was about to go out, but I remembered na narito ka pa. So I waited."

Naka-arko ang isa kong kilay pataas. "Tapos?"

"Amm . . . I'll gonna wait you. Idadaan na kita sa shop mo bago ako pumasok."

Tumango-tango ako. "Okay."

Hinintay ko na magsalita pa siya, ngunit nanatili na itong tahimik habang nakatingin sa akin. Then I saw his eyeballs na kumilos, he was like staring at me from head to foot. At saka ko lang din na-realize na I was just having a bath towel sa katawan at ulo ko. Bigla pa'y nakaramdam ako ng pag-iinit sa pisngi. I was one fourth naked.

I saw Lance gulped, he then loosen his trouser. Aywan kung namamalikmata ba ako o ano, but he seems nervous at ang mukha niya'y tila naibabad sa matinding sikat ng araw sa pamumula.

"Ahm. Ano—hintayin mo na lang siguro ako sa labas no? Magbibihis lang ako ng super bilis. Sige na. Bye." Dire-diretso lang ang pagsasalita ko habang itinutulak siya palabas ng kuwarto. Napasandig na lang ako rin ako sa likod ng pintuan matapos na mailabas ko si Lance roon.

Ang dalawang palad ko'y nasa pagitan ng aking pisngi. "Gosh! Nakakahiya ang hitsura ko."

Muli'y pinasasadan ko ng tingin ang sarili, nakatapis naman ako ng tuwalya ang kaso'y hindi naman kaaya-aya na basta na lamang na makikita iyon ng iba, lalo pa ni Lance. Pero rin . . . Parang wala naman na atang masama sa gano'ng bagay, mag-asawa naman kami—sa papel.

"Onie, c'mon, mala-late na ako kapag nagtagal ka pa riyan."

Tila ako naalimpungatan sa boses niyang 'yon, oo nga pala hinintay niya ako para maihatid sa bakeshop.

Pero mas nakakagulat na tawagin niya ako by my name.

"Ah-oo, heto nag-aayos na ako.. in 20 minutes lalabas na ko." Nilakasan ko ng kaunti ang boses para sigurado na maririnig niya.

"What? That would be too long, ten minutes, then we'll leave."

At ano ang magagawa ko sa ten minutes? Magbihis lang?

Subalit imbes na sumagot ay minabuti kong bumalik sa pag-aasikaso sa sarili, mahirap na baka masermonan pa niya naman ulit ako.