Chapter 32

Nagmamadali si Anastacia, kailangan niyang makauwi sa mansion.

Tama si King, ilang minuto na lang naman ang natitira sa laban nito. Hindi ito mapapaslang. Hindi rin naman niya gustong mapunta sa isang Pureblood, mas mabuti pang mamatay kesa malayo sa kanyang pinakamamahal.

Nangilabot siya nang makita sa may kadilimang kagubatan ang mga nanlilisik at maliliwanag na pulang mga mata ng mga hayop doon. Pero hindi siya ginagalaw ng mga ito. Iyon lamang para siyang bubuwal sa takot dahil sa biglang umaangil ang mga ito at nagsisimulang maglakad malapit sa kanya. Inaamoy din siya ng mga ito nang paulit-ulit.

Nilakasan ni Anastacia ang kanyang loob at naglakad ng diretso. Hindi kalakihan ang daanan na tinatawag ni King na ‘Safe Zone’ maaari siyang magkamali ng tapak oras na bumuwal siya o magkamali ng lapag ng paanan.

Pero nagugulat siya tuwing aangil ang naglalakihang hyena at leon sa kanya. Dumarami rin ang mga mababangis na hayop na sumasabay sa ka