Chapter 33

Araw-araw ay tila isang bangungot para kay Anastacia. Mas gusto niyang matulog at mamatay na lamang, pero hindi niya maituloy ang pagtatangka sa sariling buhay dahil ang usapan nila ni King magpapatuloy siya ng buhay.

Nakahiga lamang siya sa kanyang kama. Walang nagpapakilos sa kanya.

Hindi niya magawang magbantay sa abo ng kanyang Young Master hanggang maihatid ‘to sa huling hantungan ng pamilya ay hindi siya sumama.

Gustong isipin ni Anastacia na umalis lamang si King at babalik ito at sasabihing buhay ito.

Pero iyong iyak, kalungkutan at pagdurusa ng magulang nito ay totoong-totoo.

Imposible rin na hindi makilala ng mga ito ang isa’t isa, ayon sa ibang mga half-vampire, madaling nakikilala nila ang kamag-anak nila. Bukod do’n, ang damit at sandatang naiwanan kasama ng abo ay tunay na sa kanyang Young Master.

  Walang araw na hindi siya umiiyak. Minsan ay nakatutulog na siya sa sobrang pag-iyak. Ma