Chapter 76

“Natasha, balita ko’y nariyan ang nobyo mo, bakit hindi lumalabas?” tanong ni Aling Isyang. Narito kami’t gumagawa ng mga bayong.

“Baka naman nagta-trabaho iyon sa malayo’t napagod at nagpapahinga pa lamang, ito talagang si Isyang!” sabi ni Aling Carmen.

Nangiti na lamang ako.

“Nagpapahinga po siya, huwag po kayong mag-alala at ipakikilala ko po siya sa inyo bago siya umalis,” sabi ko na lamang.

“Ay, napakaguwapo Isyang talaga!” sabi ni Aling Loray na maagang nanghingi ng mainit na tubig kanina kaya nakita niya si King na nag-aalmusal. Ngayon ay natutulog siya, medyo nag-aalala ako dahil nga parang puro tulog siya na hindi normal sa kanilang mga bampira, pero chineck ko naman ang kanyang katawan at may mga naghihilom na siyang sugat. Mabilis ang healing ng mga bampira basta sila’y nagpapahinga, at mukhang malalalim ang mga ‘yon, mahihirapan lamang naman ang katawan