Chapter 77

“Saan tayo pupunta?” tanong ko kay King.

Napakaaga pa, alas-kuwatro nang umalis kami sakay ng bangka para ihatid sa kabilang bayan kung saan mayroong barkong dumadaong.

“Sa Constacia,” aniya.

Tumango-tango ako. Inaantok pa ‘ko kaya sumandal ako sa kanya. Malamig din kasi ang simoy ng hangin sa bangka kaya mas nakakaantok.

Hindi naman niya ‘ko ginising at hinaplos pa ang buhok ko para mas makatulog.

Naramdaman ko lang na ginigising niya ‘ko nang marahan sa pagtawag sa ‘king pangalan.

Napamulat naman ako.

“Pababa na tayo,” aniya.

Tumango-tango ako. May kaliwanagan na rin ang kalangitan.

Limang minuto lang ay dumaong na ang bangka kaya nakababa na kami. Kami lang ang inihatid nila rito. Kumain muna kami sa maliit pero mas may kayang bayan na ‘to at nagpahinga sa isang silid. Alas-diyes nang lumabas kami sa okupado naming silid at sumakay naman sa barkong duma