Kabanata 19 (Part 1)

Sulit ang family bonding nilang magpapamilya kahit sa loob lang ng mansyon. Sobrang saya niya lalo na ang kaniyang kambal. Hindi mapalis ang mga ngiti nito dahil sa sobrang saya. Hindi niya alam kung kailan ulit iyon mauulit pero hiling niya sana’y maulit iyon muli.

“Mukhang ang laki ng mga ngiti mo, masaya bang ka-bonding ang asawa ko?”

Napalingon siya sa kaniyang likuran, kasalukuyan siyang naghuhugas ng kanilang pinagkainan. Pinauna na niya ang kambal sa kanilang kwarto para magbihis kasama nila si Ivo. Nawala ang kaniyang ngiti nang makitang si Shania pala iyon.

“Anong ibig mong sabihin?” tanong niya sa babae.

“Kako enjoy bang kasama ang aking asawa?” tanong ulit ng babae, nakangisi lamang ito sa kaniya.

“Bakit mo iyan natanong? Masaya ako dahil nagkaroon ng bonding time ang kambal at tatay nila. Huwag mo ngang pag-isipan ng masama iyon, Shania,” saad niya sa babae.

“If I know tuwang-tuwa ka naman dahil nakausap mo ang asawa ko. Bakit? May balak ka bang agawin siya sa akin?