Goodbye 18

Kanina pa napapansin ni Rienne na hindi mapakali si Andro. Tingin ito nang tingin sa wristwatch nito at pansin niya ring lagi itong nagpapakawala ng malalim na hininga. 

"Andro..."

Saglit lang napatingin sa kaniya si Andro at pagkatapos ay tumingin na muli ito sa labas ng bintana ng sasakyan. Para iparamdam ditong hindi ito nag-iisa, hinawakan niya ang kamay nito kaya napatingin ito ulit sa kaniya. Malamig ang mga iyon at medyo nanginginig pa. Nang magtama ang mga mata nila ni Andro, nakaramdam si Rienne ng parang kuryente. Pero ipinagwalang-bahala niya iyon.

"He will be fine, Andro."

Nginitian siya ni Andro nang tipid at pinasalamatan siya nito dahil sinamahan niya ito rito sa Metro. Sa totoo lang ay hindi alam ni Rienne kung tama ba ang naging desisyon niyang baliin ang napagkasunduan nilang hindi na siya magpapakita rito pagkatapos ng 50 araw. How can she say no to him when she can clearly se