Goodbye 24

Walang nagsasalita ni isa sa kanila. Medyo bumaba na ang lagnat ni Adrienne kaya iniwan muna sila nina Aveline para makapag-usap silang dalawa.

Ang kaso, mula nang lumabas sila kanina sa banyo, hindi na ulit siya tinapunan ng tingin ng dalaga. Pero hindi puwede ang ganito kaya sinubukan ulit ni Androng kausapin ang babae.

"Adrienne, look at me."

Gaya ng inaasahan ay hindi siya tinapunan nito ng tingin. Nakatuon lang ang pansin ni Adrienne sa nakasaradong bintana. Walang kaemo-emosyon ang dalaga kaya hindi mabasa ni Andro kung ano ang tumatakbo sa isip nito.

Hindi siya sanay sa ganito. Ngayon lang siya itinuring ni Adrienne na parang hangin lang.

"Look, Adrienne. Sige. Okay lang kahit huwag mo na akong tingnan. Just listen to me."

Wala namang sinabi si Adrienne kaya tinake niya 'yon as sign na handa siyang pakinggan ng dalaga.

"About what happened three months ago, I am sorry. I was just too frustrated that's why I vent it all on you.