Chapter 6

“Ingat po kayo.” Pamamaalam ko kay Mrs. Hawkingstons na ngayon ay aalis na. Dumating na kasi si Mr. Hawkingston kanina mula sa business trip niya.

“Mom, Dad, mag-ingat kayo. Dad, h’wag mong susuwayin ang nurses mo, h’wag ka masyadong magbabad sa trabaho. Ikaw naman Mom, take your meds regularly ha? Tawag na lang kayo.” Pagkadating kasi ni Mr. Hawkingstons kaninang umaga ay dito na siya sa bahay dumiretso. Ipinagluto ko sila at gaya ng naging reaction ni Mrs. Hawkingstons ay nasarapan siya. Mabait talaga silang mag-asawa, nagulat nga ako na may pasalubong ako galing sa kaniya eh ni hindi pa naman kami nagkita.

“Hija, bumisita kayo minsan sa bahay ha? Ako naman ang magluluto para sa’yo.” Nakangiting saad ng ginang ngumiti lang rin sa akin si Mr. Hawkingstons.

“Ahh, sige po. Titignan ko po .”

“Sige, alis na kami.”

“Opo, mag-ingat po kayo sa byahe!”