Chapter 6

ABALA si Lucien sa pagdadampi ng makeup sa pisngi niya dahil kailangan niyang iharap ang mukha niya mamaya sa event, nang biglang bumukas ang pinto.

"What the hell, Lucien?"

Napapitlag siya at halos mahulog ang hawak niyang sponge nang marinig ang boses ng matalik niyang kaibigan—si Calix.

Napatigil si Calix sa may pintuan, nakakunot-noo habang nakatingin sa kanya. Ilang segundo lang ay bumagsak ang tingin nito sa pulang marka sa pisngi niya, saka biglang natawa.

"Anong nangyari sa mukha mo? May sumampal ba sa'yo?" asar na tanong ni Calix, kasabay ng pagtawa nito.

Nanlaki ang mga mata ni Lucien at agad niyang tinakpan ang pisngi niya gamit ang kamay. 'Damn it! Bakit ba pumasok ito nang hindi man lang kumatok?!'

"Wala!" mariing sagot ni Lucien, saka agad na tumalikod.

Pero lalo lang lumakas ang tawa ni Calix. "Dude, obvious naman na may sumampal sa'yo! Hahaha! Sino may gawa niyan? At bakit ka nagme-makeup?"

Hindi sumagot si Lucien at nagpatuloy sa pag-a-apply ng concealer, pilit tinatabunan ang marka.

Napansin ni Calix ang mga makeup products na nakakalat sa mesa at napailing ito. "Wait lang… bumili ka ba ng mga ‘to? Kailan ka pa naging expert sa makeup, ha?"

Hindi pa rin nagsalita si Lucien. Maya-maya pa ay unti-unti niyang na-realize na nagkamali siya ng pagpili ng shade. Sa halip na itago ang pamumula ng pisngi niya ay mas lalo lang itong nahahalata.

"Ang layo ng color shade na binili mo. Mukha kang nasunog sa beach. Medyo tan ka tingnan. Hahaha!"

Napangiwi si Lucien at napatingin sa repleksyon niya sa salamin. Totoo nga! Para siyang nagbakasyon sa dagat nang hindi naglagay ng sunscreen.

"What the fuck I'm doing?" bulong niya sa sarili.

"Lucien Hoffman, makeup artist na ba ang bagong career mo?" pang-aasar pa ni Calix habang dinadampot ang iba’t ibang makeup sa mesa. "At bakit ang dami mong binili? Eh hindi mo naman alam gamitin!"

"Shut the fuck, Calix," inis na sagot ni Lucien. "Hindi mo na kailangang malaman."

Pero hindi papayag si Calix na walang makuhang sagot. "Hmm…" Tumango-tango ito, kunwari nag-iisip. "Mukhang ang asawa mo ang gumawa nito, 'no? Bagong kasal lang kayo pero hindi na kayo magkasundo."

Biglang naalala ni Lucien ang galit na tingin ni Bianca bago siya sinampal. Pakiramdam niya tuloy, kahit natakpan na ng makeup ang pisngi niya, ramdam pa rin niya ang hapdi nito.

Napangiwi si Lucien habang nakatingin sa sarili sa salamin. Hindi niya alam kung mas pipiliin niyang lumabas na may pulang marka sa pisngi o magmukhang nag-sunburn sa maling shade ng makeup.

Napansin naman ni Calix ang pagkadismaya niya kaya napailing ito. "Hay naku, ako na nga."

"Ha?" Napakunot-noo si Lucien.

"Ako na magtatakip niyan! Halata namang wala kang alam sa makeup," sagot ni Calix habang dinampot ang foundation na nasa mesa. "Dapat kasi, concealer muna bago foundation! Tapos i-blend nang maayos para hindi mukhang nilublob sa arena ang mukha mo."

"Alam mo 'yan?" nagdududang tanong ni Lucien.

"Medyo may alam ako sa makeup dahil sa mga tutorials ni Cheska. Alam mo naman na makeup vlogger ang kapatid ko, kaya may napupulot naman akong idea kahit papaano kakalike ng bawat post niya," pagmamalaki ni Calix habang sinisimulang i-apply ang makeup sa pisngi ni Lucien.

Napangiwi si Lucien nang maramdaman ang bigat ng kamay ng kaibigan. "Take it easy! This is not construction work!"

"Arte mo! Tumigil ka nga r'yan at h'wag na malikot kung ayaw mong mas lumala pa ito," reklamo ni Calix habang sinisikap na pantayin ang kulay ng mukha ni Lucien.

Pero bago pa nila matapos, biglang bumukas ang pinto at pumasok si Grasya, ang isa sa mga kasambahay ni Lucien.

"Sir Lucien, eto na po ang sapatos na pinalinis niyo—"

Halos mabitawan ni Grasya ang kahon ng sapatos nang makita ang eksena sa harap niya.

Si Calix, may hawak na makeup brush, habang si Lucien naman ay nakapikit habang mini-makeup-an sa mukha!

Napatakip ng bibig si Grasya. "Ay Diyos ko, patawarin niyo po ako!"

Nagkatinginan sina Lucien at Calix, at parehong natigilan.

"Grasya, hindi ‘to ‘yung iniisip mo—" agad na sagot ni Lucien.

"Oo nga! Hindi kami… alam mo na… hindi ito ‘yun!" dagdag ni Calix at saka biglang napalunok.

Pero halata kay Grasya na hindi siya kumbinsido. Umiling-iling pa ito at bumaba ang tingin sa mesa, kung saan nagkalat ang makeup products.

"Hindi niyo na po kailangang magpaliwanag, Sir. Hindi naman po masama ang magpakatotoo sa sarili," seryosong sabi ni Grasya.

"WHAT?!" sabay na sigaw ng dalawa.

Lalong lumala pa ang sitwasyon nang biglang dumaan sa may pinto si isa pang kasambahay na si Mang Kardo.

"Oh, anong kaguluhan ‘to?" tanong ni Mang Kardo.

Itinuro ni Grasya ang dalawa. "Sina Sir Lucien at Sir Calix po… nagme-makeup session."

Napakunot-noo si Mang Kardo, saka dahan-dahang tumango. "Ah… kaya pala."

"ANO KAYA?!" sigaw ulit ng dalawa, pero mukhang hindi na nila mababago ang impresyon nina Grasya at Mang Kardo.

Mabilis na lumabas si Grasya matapos na iwan ang sapatos, at narinig pa nilang may binubulong ito sa sarili. "Iba na talaga ang panahon ngayon… kahit may asawa na si Sir Lucien, mas close pa sila ni Sir Calix…"

Napahawak na lang si Lucien sa noo niya, habang si Calix ay napahawak sa dibdib niya at tila bang nasaktan ang ego niya.

"Damn it, Lucien, ito na ang pinakamalaking eskandalo sa buhay ko!"

"Shut up, Calix! This is your fault. Pumasok ka kasi sa kwarto ko na hindi nagpapaalam," reklamo ni Lucien.

Napahilamos na lang ng mukha si Calix. Kilala siya bilang casanova sa barkada nila, pero ang mapagbintangan siyang bakla ay hindi niya ito matatanggap.

"Do you know how much I protect my image with women? And now I'm being mistaken for gay?" reklamo ni Calix dito.

Tumango-tango na lang si Lucien habang matamlay na nakatingin sa salamin. He's losing hope na magawa niyang matakpan ang marka sa mukha.

Pero maya-maya pa ay may naisip siya na hindi na niya kailangan ng makeup.