7

After how many days, weeks and months, I didn't expect na magkikita pa ulit kami ng lalaking nasa harapan ko ngayon. Ilang segundo siyang nakatingin sa akin. Halata ang gulat sa mukha niya base na rin sa eskpresyon niya.

I really can't believe na magkikita kami ulit kami. I don't know how to react pero may nararamdaman ako ngayon. Sakit at pagkamuhi sa kanya.

Kahit ilang buwan na ang nakakalipas, hindi ko parin malilimutan yung ginawa niya. Sa aming dalawa, parang siya pa yung nanloko. Naiyukom ko ang kamao ko. Naalala ko na naman kasi yung ginawa niya sa akin noon. Pero kailangan kong pigilan ang sarili ko.

Baka ma-stress lang ako o di naman kaya, manganak ako ng wala sa oras. Hindi lang ako makapaniwala na nagkita ulit kami. May tulak-tulak pa siyang cart na puno ng mga pinamili niya siguro.

Bumaba ang tingin niya sa tyan ko na halata na ang umbok. Saglit lang siyang tumitig doon at binalik na rin ang tingin sa akin. Tumalikod na ako at akmang aalis na sana pero bigla siyang nagsalita. "Amy,"

Hinarap ko siya. Seryoso na ang mukha niya at wala na yung gulat na nakita ko kanina sa mga mata niya. "So, you're pregnant, huh? Amethyst?" bakas sa boses niya ang panunuya. Naiikot ko naman ang mga mata ko. Umiiral yung pagkamaldita ko.

"So what? You don't care, Mr." sabi ko at binalik ko ang tingin sa lalagyan ng Dairy Milk at kumuha pa ng isa. Inayos ko ang pagkakahawak do'n at humarap sa gawi niya. Akala ko umalis na siya pero hindi pa pala.

‘Kung alam mo lang anak mo'to,’ patay malisyang sambit ko sa isipan ko.

Magkasalubong na ang dalawang kilay niya habang nakatingin sa akin. Nakasuot siya ng long sleeve polo at maong pants. "And I guess that, your man got you pregnant," sambit niya na ikinainit ng ulo ko. Anong tingin niya sakin? Prostitute?

"Excuse me nga! Ikaw," dinuro ko siya. Nagwawala ang mga hormones ko dahil sa tang-nang ito. "Hindi ka pa rin ba makapagmove on? Kung hindi pa rin, please lang. H'wag mo na muna akong guluhin. Nakikita mo naman siguro ano? Buntis ako! Buntis!" I hissed.

Umarko naman ang kilay niya. Tumingin muli siya sa tyan ko bago binalik ang tingin sa akin. Napansin ko rin na nakaharang siya sa dadaanan ko.

"At isa pa, pwede bang tumabi ka na? Dadaan na kasi ako. Nakaka-asiwa na kasi rito. Ang baho!" mataray na sambit ko. I just can't stop myself from being irritated to him. Naiinnis ako!

Pansin ko ang paghigpit ng hawak niya sa handle ng cart bago siya tumabi. Hindi ko na siya pinansin pa at naglakad na ako paalis. Mabuti naman at ginawa niya 'yon kung hindi ay baka mas lalo akong magalit sa kanya. Ilang hakbang palang ang nagagawa ko nang biglang akong napatigil.

Naramdaman kong sumipa na naman ang baby ko. Dalawang beses na malakas iyon kaya sobrang sakit. "Sh-t!" napamura ako dahil mas masakit iyon kaysa sa mga unang sipa niya.

Tiningnan ko ang tyan ko at hinaplos iyon. "Baby, wag ka namang magalit kay Mommy. Sorry na ha? Ginawa lang ni Mommy 'yon kanina kasi dahil sa kaniya muntik ka ng mawala sa akin, dahil sa Daddy mo," hininaan ko ang huling sinalita ko.

Hinintay ko muna saglit na kumalma ang baby ko. Maya-maya, napangiti ako ng kaunti dahil kumalma na siya. Pinagpatuloy ko lang ang paghaplos bago ako nagpakawala ng marahan na buntong hininga saka inalis na ang kamay ko sa tyan ko. Lalakad na sana pero may narinig akong nagsalita sa bandang likuran ko.

"Babe, sino yung kausap mo kanina?" rinig kong saad ng babaeng boses. Alam kong sa gawi iyon ni Lexus. Pinigilan ko rin ang sarili ko na lingunin sila. “A-Ah, the preggy one. She's upset," rinig kong sagot ni Lexus. Napa-iling nalang ako. Bagong girlfriend or fling niya siguro yung kausap niya.

Ang bilis naman. Naglakad nalang ako paalis at hindi ko nalang iyon pinansin pa. Pakialam ko ba. Nakakasama lang kasi ng loob yung ginawa niya. Ang babaw-babaw niya.

Tuluyan na akong lumakad at papunta sa counter. Naabutan ko naman na patapos na si Manang. Sinunod ko na lang siya at pagkatapos ay sinabihan ko na umuwi na kami. Hindi na ako nagsalita pa hanggang sa makauwi na kami. Hindi kasi ako maka-move doon sa nangyari.

"Celine, ano bang problema mo? Kanina ka pa nakabusangot d'yan," tumingin ulit ako sa screen ng laptop matapos kong marinig na magsalita si Rian. Mas lalo akong napabusangot dahil sa tanong niya.

Can't she see? I am still upset.

"Naku! Hanggang ngayon ba, inaalala mo pa rin yung nangyari doon sa grocery? Hindi ka talaga makapagmove on?" tanong niya. Kumagat ako sa dairy milk na hawak ko. Sinabi ko kasi sa kaniya ang nangyari kanina roon at ngayon kausap ko siya via Messenger, video call.

Gabi na rin at wala pa si Mama dito. Si Manang naman ay nandoon sa kusina. Nag-iisang katulong lang naman si Manang at wala siyang ibang kasama. "Naku Celine, move on na. Malapit ka na namang pumunta dito oh." aniya at kumagat sa pizza na hawak niya. Hindi nalang ako umimik.

Bilib ako sa sarili ko kanina. Nagawa kong tarayan yung lalaki na'yon. Inis na inis talaga ako sa kanya.

Natawa ako dahil sa naalala ko bigla yun. "Oy! Nakangiti siya! Hoy, g-ga. Nakita mo lang uli nangiti-ngiti ka na d'ya—" mabilis ko siyang pinutol at inirapan. "Pagkatapos ng ginawa niya? Aba!" pagputol ko sa sasabihin ni Rian.

Dahil sa lalaking yon muntik nang mawala ang anak namin—anak ko. Nagdahan-dahan naman si Rian sa pagnguya ng pizza. "Wow! Lakas natin ah. Hindi ka na marupok?" natatawang tanong niya. Sinamaan ko naman siya ng tingin.

Wala na akong balita kay Lexus. "Hindi, hindi ko na babalikan yung g*gong lalaki na'yon," ani ko at kumagat muli sa chocolate na hawak ko. Ngumiti naman siya ng nakakaloko.

"Talaga lang ha? Celine, are you really sure?" tumango ako kahit pa naiinis ako sa pagtawag niya sa akin ng pangalawang pangalan ko. Kanina pa siya eh pero hinahayaan ko lang. Alam ko naman na nasanay na siyang iyon ang itawag niya sa akin.

"Tingnan natin. Eh, how about naman kapag nakita niya yung anak nyo? Diba sabi mo naiinis ka kay Lexus? I heard na kapag buntis daw yung babae tapos naiinis siya sa tatay nung baby eh kamukha daw nung tatay," dagdag niya. Ngumiwi naman ako.

"Talaga? Naniniwala ka sa mga ganon?" tanong ko. Kumibit-balikat naman siya. "Ay! Shala, Celine. Sasusunod nalang ulit tayo mag-usap, nalimutan kong may gagawin pa pala ako." nagmamadaling sabi nito. I pouted. Sayang naman.

"Sige, bye. Luvs!" pagkatapos non ay naputol na ang tawag.