Chapter 16

Matapos makitang hubarin ni Lance ang natitirang suot nito ay tumingin si Erries sa isang nakatagong camera at kumindat dito. Alam niya na nasa likod nito ang kaibigan niya, nanunood sa posibleng mangyari sa kanila ni Lance. Nang mapansing malapit na si Lance sa kanya ay sinalubong niya ito at doon sa ilalim ay nagtagpo silang dalawa. Ngumiti siya dito at hinawakan ang mukha nito. Ganoon din ang ginawa nito sa kanya. Saglit silang nagkatitigan at kalaunan ay nagtagpo ang kanilang mga labi. Marahan, na tila ba ninanamnam nila ang halik ng isa't isa. Pinaramdam ni Erries kay Lance ang kanyang pananabik, aminin niya man o hindi ay talagang naapektuhan siya sa tuwing ganoon ang tagpo nilang dalawa. Subalit, nasa isip pa rin niya kung hanggang saan lang ang limitasyon niya dito.

Mayamaya ay kusa silang humiwalay sa halik ay umahon mula sa tubig. Naramdaman niya ang kamay nito sa kanyang mukha, habang nakatitig sa kanya. Nakikita niya ang pananabik at mainit na titig nito sa kanya.