Chapter 15

Dumidilim na at kakatapos lang nina Erries at Julliana na mag ayos ng dapat nilang ayusin. Nakahanda na ang pagkain at inumin para sa pagdating ni Lance, kahit na hindi sila siguradong darating ito. Ngunit, alam din ni Erries na hindi palalampasin ni Lance ang pagkakataong makita at makasama siya. Nasa may pool side sa rooftop, nakahanda ang ginawa nilang dinner ni Julliana. Sadyang nandito ito upang tulungan ang kaibigan.

"So, ready na ang lahat. Ano? Nasisiguro mo ba talagang darating siya?" muling tanong ni Julliana sa kanya.

Napairap siya dito dahil ilang beses na nitong tinanong iyon.

"Tss, ano ka ba, kung di siya darating.. bahala na, basta ikaw stand by lang okay?" napapailing niyang sabi dito.

Natawa ito at kumuha ng glass, saka nagsalin ng wine. Binigyan pa siya nito na tinanggap niya naman.

"Sabagay, maraming paraan para landiin ang lalaking iyon. Baka nga pag ako ang lumandi sa kanya, hindi niya talaga ako makakalimutan, haha!"

"Sira ka talaga!" saway niya dito.