KABANATA 20

Nag-iinit ang pisngi ko sa tuwing nalilingunan siyang hubad-baro. Mahigit dalawang araw na kaming nakauwi ngunit bumabalik pa rin sa isipan ko ang mga nangyari sa beach. Mas lalo na kapag nalilingunan ang likod niyang puno ng kalmot.

Umiwas ako ng tingin nang lumingon. siya. Humigpit pa ang kapit ko sa paintbrush at pilit binalik ang atensyon sa painting na hindi ko matapos-tapos. Iyon pa rin ang sunset at kailangan ko na lang kumpletuhin ang detalye. Hindi ko nga lang magawa lalo pa't binabalandra ni Delton ang likod niyang puno ng kalmot dahil sa akin.

Pumikit ako nang mariin at umiling matapos maalala ang nangyari sa banyo. Scam iyong maliligo lang! At ayoko na balikan pa ang mga detalye ng pagkabaliw ko sa ilalim ng shower.

Minulat ko ang mga mata para lang masalubong ang mga mata niyang maitim at seryoso. One inch lang yata ang layo ng mukha niya sa akin kung kaya't ako na ang umatras.

Nakadukwang siya't tila isang researcher na pinag-aaralan ang muk