Chapter 56

Pumasok na lamang ako pabalik sa condo niya at kaninang gutom ko ay nawala na lamang bigla. Nag o-overthink na ako. Anong ginagawa nila roon? Nag uusap lang ba sila? Naglalaro? Eh, ano namang nilalaro nila?

Hindi na ako makatiis at lumabas na ng condo pero napatigil rin nang marealize na hindi ko pala alam kung saan ang condo ng Megan na iyon. Kung kapareho sila ng condo noon pa man, lagi silang magkasama?! Shit, mas lalo akong kinabahan!

Pabalik balik lang ako sa labas ng pintuan at sinisilip kung saan siya tumungo kanina. Napatigil lang ako sa paglalakad nang may narinig na naman ako.

“Meow.”

Ang pusa kanina ay nandito na naman at nilapitan ako. Kiniskis niya pa ang ulo niya sa paanan ko. Sinamaan ko ito ng tingin at kinuha. “Hindi kita ibibigay sa owner mo kapag hindi siya mismo ang pumunta rito!” Naiinis kong sabi at dinala ang pusa sa loob. Nilagay ko lang siya sa sahig at komportable naman itong nagpagulong-gulong roon.

Umupo ako at nilalaro ang pusa at hinihimas ang tiyan