UNDERGROUND BOSS 12

Halos maghapon hindi ako lumalabas sa kuwarto. Hindi ko na itinanong kay Manang Narsing kung nandito pa rin ang babae ni Caden.

Sobrang sama pa rin ng pakiramdam ko. Kapag bumangon naman ako, pakiramdam ko umiikot ang paligid ko. Hinatidan na lang ako ni manang ng tanghalian at hapunan.

"W-Wala pa rin po ba si Caden?" tanong ko kay manang.

"Wala pa. Kasama niya si Manong Selo mo."

Huminga naman ako ng malalim. "K-Kilala niyo po ba si Andrea Alleya Santiago?"

Napatingin naman si Manang Narsing sa akin. "Nagkita ba kayo?!"

Tumango naman ako.

"Liana, puwede ka humingi ng tulong sa kan'ya, hija! Sundalo si Andrea!"

"P-Po?"

"Kasamahan ni Caden si Andrea. Kapag malaman niya ang sitwasyon mo, panigurado tutulungan ka ni Andrea."

Napatigil naman ako. "P-Paano mo po nakilala si Andrea?"

"Ang Tatay niya ay kasamahan ni Selo sa military. Si Andrea, Asawa niya ang kaibigan ni Caden."

"May binigay po sa akin na calling card si Andrea. Pero kinuha po ito ni Caden."

"Bihira lang na nandito si Andr