My Ex-Husband's Billionaire Brother's Touch, My Second Marri

“Doc., nakialam ako sa pagsasama ng ibang tao at nagkaanak ako sa iba nang hindi nalalaman ng nobyo ko.

Hindi ba’t imoral iyon?”

Si Celine ay isang psychologist, at araw na niya ngayon para magsagawa ng online consultation. Iyon ang unang tanong na ibinato ng kanyang pasyente.

Kerida. Pagtataksil. Anak sa labas.

Ang isipin kong iyon ay para sa kanya… ang pakiramdam na may ginagawa siyang imoral. Hindi nakapagtataka kung bakit patok na patok ang mga anonymous online consultation.

Maayos at propesyonal na nag-type si Celine sa computer.

[Komportable ka bang ikuwento sa akin ang buong sitwasyon?]

“Oo Doc”

“Matagal nang magkaibigan ang dalawang pamilya namin. Lumaki kaming magkasama at bagay na bagay kami. Parehong sumang ayon ang aming mga magulang na magpakasal kami. Pero nang malapit na sana kaming magpakasal, umibig siya sa ibang babae. At mas masahol pa, pinilit niya akong pumunta sa ibang bansa para mapalayo ako sa kanya at sa babaeng iyon.”

Napabuntong-hininga si Celine.

Ang mga lalaki talaga — ang babaeng matagal na niyang kasama ay nabalewala na lamang dahil sa may bago na siyang minahal kaya sa huli siya pa itong itinaboy papalayo.

Hindi iyon madaling tanggapin ng kahit na sino. Hindi na nakapagtatakang nagkaroon siya ng problema sa pag-iisip.

Nag-type si Celine:

[Magpatuloy ka. Nakikinig ako]

Ang unang tungkulin ng isang mahusay na psychologist ay ang maging pinakamagaling na tagapakinig.

“Hindi ako masamang tao. Pagkatapos kong pumunta sa ibang bansa, nagkaroon ako ng nobyo para makalimutan siya. Pero noong nalaman niya ang relasyon namin, palihim siyang pumunta sa akin nang hindi nalalaman ng asawa niya… at nagsama kami.”

“Alam kong mali iyon, pero hindi ko siya kayang labanan. Hindi nagtagal, nabuntis ako at isinilang ko ang anak niya nang hindi nalalaman ng nobyo ko at ng asawa niya.”

“Dati, inalok ko siyang bigyan ako ng isang legal na katayuan sa buhay niya, pero ayaw niya. Ngayon naman, hindi ko na kayang makipaghiwalay sa nobyo ko para sa kanya.”

“Doc, alam mo ba? Noong manganganak ako, malapit na ring manganak ang asawa niya. Pero pinili niyang manatili sa tabi ko. Hindi ba ibig sabihin noon, mahal na mahal niya ako?”

Alam niyang isa siyang kerida, pero nagpabuntis pa rin siya sa lalaking may asawa.

Nakikipagrelasyon siya sa isang may-asawa habang ayaw naman niyang makipaghiwalay sa sarili niyang nobyo.

Anong klaseng pag-iisip iyon?

Talagang nakakagulat!

Napaisip tuloy si Celine kung posible nga bang mangyari ang ganitong bagay sa totoong buhay.

Kung ikukumpara sa babaeng iyon, tunay ngang napakaswerte niya.

Ang asawa niyang si Trevor Madrigal ay mayroon ding kababata—si Ysabelle Cabrera.

Nang malaman ni Ysabelle ang relasyon nila, ginawa nito ang lahat para paghiwalayin sila. Sa huli, nagalit si Trevor at ipinadala si Ysabelle sa ibang bansa.

Mula noon, namuhay nang tahimik at masaya sina Celine at Trevor.

Ngayon, mahigit walong buwan na ang kanyang pagbubuntis at isang buwan na lamang bago ang kanyang panganganak.

Bagama’t tumaba siya at hindi na kasingganda ng dati ang kanyang mukha, ganoon pa rin si Trevor tulad noong panahong bago pa lamang ang kanilang pagmamahalan.

Kahit dis-oras ng gabi, bumabangon pa rin ito para bumili ng pagkain para sa kanya dahil lamang sa nabanggit niyang gusto niyang kainin.

Lagi siyang sinasabihan ng mga kaibigan niya na labis siyang pinapahalagahan ni Trevor at siya na marahil ang pinaka maswerteng babae sa mundo.

Isang notification ang nagpabalik kay Celine sa kasalukuyan.

May mataas siyang katayuan, pero siya mismo ang nagpapalit ng lampin ng anak namin.

Pagkapanganak na pagkapanganak pa lang ng anak namin, bumili na siya ng educational fund na nagkakahalaga ng sampung milyon.

Ngayong bumalik kami ng anak ko sa bansa, siya mismo ang sumundo sa amin.

Binilhan niya kami ng malaking villa at nagtalaga pa ng pribadong mayordomo at mga kasambahay para alagaan kami.

Takot na takot siyang may maranasan kaming kahit kaunting paghihirap.

“Alam na niyang isa siyang kerida, pero buong yabang pa rin niyang inaangkin ang posisyon niya.”

“Talagang baluktot ang pag-iisip ng taong ito.”

Iniisip ni Celine kung paano niya bibigyan ng psychological counseling ang babae…..nang biglang may panibagong mensaheng pumasok.

“Doc, siguradong napakahusay mo bilang psychologist.

“May itatanong ako sa iyo. Kung pagtataksilan ka ng asawa mo at magkaanak siya sa ibang babae, makikipagdiborsiyo ka ba?”

Bahagyang nainis si Celine

Masyado namang walang modo ang taong ito. Pero agad niyang pinigilan ang sarili.

May problema sa pag-iisip ang kanyang kausap. Bakit niya sasayangin ang oras niya sa pakikipagtalo sa isang pasyente?

Saglit siyang nag-isip bago nag-type:

“Ang isang relasyon ay dapat pinagtutulungan ng dalawang tao. Kapag ang pagtataksil ay nanggaling sa isang panig, nasisira na ang balanse ng relasyon. Hindi dapat kumapit ang isang tao sa relasyong wala nang katapatan.”

“Doc, tama ka. Sana lahat ng asawa ay kasing-unawa mo.”

Pagkatapos ipadala ang mensaheng iyon, nag-offline ang kausap niya.

Hindi makapaniwala si Celine

Talagang may malubhang problema sa taong iyon!

Kung hindi lang ito bahagi ng kanyang trabaho, siguradong magpo-post siya sa social media para balaan ang kawawang asawang iyon.

Pero ngayon, wala siyang magagawa kundi sundin ang propesyonal na etika at panatilihing lihim ang lahat ng nalaman niya.

Biglang tumunog ang telepono sa ibabaw ng mesa.

Pagkasagot ni Celine sa tawag, agad niyang narinig ang boses ng matalik niyang kaibigan na si Atty. Grace Atienza.

“Celine, kumusta ka? Alam mo ba nakita kong bumalik na sa bansa si Ysabelle at may karga siyang bata!”

Biglang kumabog ang puso ni Celine.

Walang malay niyang ibinaling ang tingin sa kulay-abong avatar sa screen ng computer na ngayon ay offline na.

“Celine? Naririnig mo ba ako?”

Napakurap si Celine at tila nagising mula sa malalim na pag-iisip.

Ano ba ang iniisip niya? Mahal na mahal siya ni Trevor. Imposibleng pagtataksilan siya nito, lalo na ang magkaroon ng anak sa ibang babae.

“Narinig ko. So what kung bumalik siya sa Pilipinas? Ano naman ang pakialam ko roon?”

“Paano magiging walang pakialam? Paano kung may binabalak na naman siya laban sa iyo? Nakalimutan mo na ba kung bakit siya ipinadala sa ibang bansa?”

Paano makakalimutan ni Celine?