CHAPTER 29

    MALAYONG malayo ang ipinagkaiba ng kanina lang ay party at itong pag-uusap ni Luke at Ethan. Tahimik at halos walang tao sa daan. Maagang nagsara ang club dahil may suntukan na naganap ilang minuto lang matapos lumikha si Ethan ng ingay. Rex paid for the damage Ethan has made. The guy left without a single glance at them.

"Ethan, gusto kong maintindihan ang lahat." Napahawak si Luke sa ulo at napailing na lamang. Tila ang dami pa niyang hindi alam sa mga taong nakapalibot sa kaniya. Lahat may kaniya-kaniyang sikreto. "Totoo ba 'yong sinabi ni Rex?"

Niyakap ni Ethan ang sarili at sumagot. "Oo. Totoo 'yon."

Nag-init ang mga mata ni Luke. Hindi niya namalayang ito pala ang pinakamahirap na tanong sa lahat. "Nitong taon na naging magkaibigan tayo… alin doon sa mga sinabi mo ang totoo?"

"Luke! Luke…" Sinabunutan ni Ethan ang sarili. "Luke, hindi ko gustong magsinungaling, okay? Takot lang ako na baka talikuran mo ako oras na malaman