2. The famous Jethro

PAGDATING niya sa bahay, walang tao sa salas. Ngunit naririnig niya ang tinig ng mga naroroon sa itaas.

“Kailangang magantihan ko siya mommy!” umiiyak na sabi ni Ingrid, “ginupit niya ang maganda kong buhok!”

Dahan dahan siyang umakyat ng hagdan. Nasilip niya sa masters bed room ang mga ito na parang may pinagmimitingan na hindi siya kasali.

“Sumusobra na yang anak mo, Luke!” singhal ni Rodora sa kanyang papa, “tingnan mo naman kung ano ang ginawa niya sa anak ko.”

“Baka naman inasar niyo na naman ang anak ko,” nakatayo ang kanyang ama. Mukhang walang sakit, naninigarilyo ito saka namintana, “mabait si Danica, hindi niya kayo sasaktan kung hindi kayo nauna.”

“Kasalanan pa ni Ingrid ngayon ha?” lumapit si Rodora kay Luke, “masyado ng m*****a yang anak mo!”

“Tigilan mo ako, Rodora,” asik ng kanyang papa sa kanyang madrasta. Bahagya pa siyang lumayo, upang hindi makita ng mga ito, “baka akala mo, isasakripisyo ko ang anak ko, dahil sa pagiging sugarol mo!”

“Ako lang ba? Ako lang? Eh di ba, ikaw naman ang nagsanla kay Robles ng lahat?” sagot nito, “ikaw ang pumayag na icollateral ang anak mo!”

“Oo, dahil ang sabi mo, magaling ka! Isa pa, maganda ang anak ko, at siya ang tipo ni Robles! Ikaw, kung natipuhan ba ni Robles ang isa sa mga anak mo, papayag ka?” tanong pa dito ng kanyang daddy, “agrabyado ako dito, kailangan ko pang umarte na may sakit upang pumayag ang anak ko, eh kayo? Nasa gitna na tayo ng problema, nakukuha niyo pa siyang asarin! Kung ako si Danica, kinalbo ko kayong dalawa!”

Nahintakutan ang mga ito sa binitawang salita ng kanyang ama, Hindi siguro nila inaasahang ganon ito magreresponse sa kanilang mga sumbong.

“Huwag niyong kakantiin ang anak ko, malilintikan kayo sa akin,” kita pa niya kung paano hithitin ng kanyang ama ang sigarilyong sinindihan.

“At tatakutin mo pa talaga kami, Luke? Talagang ipinapamukha mo sa amin na sampid kami dito?” inis na sabi ng kanyang madrasta sa kanyang ama, “ngayon ,ganyan mo na kami pagsalitaan ng mga anak ko? Bakit?”

“Dahil noon, akala ko, matino kayong lahat! Inubos niyo ang pera ng aming kumpanya, ngayon, may gana ka pang tanungin ako kung bakit ako nagkakaganito? Ibabayad ko sa utang ko ang aking anak, Rodora, intindi mo ba? Ang aking anak, na dapat ay pinapangalagaan ko! Natuto akong magsinungaling sa kanya dahil sa inyo!” inis na bulyaw dito ng kanyang ama. “Kung naging maganda lang sana ang mga anak mo, sana, sila na lang ang inialok mo, sa Amante na iyon!”

“Mommy..” napaiyak sina Jalen at Ingrid sa sinabi ng kanyang ama.

“Tigilan niyo na ako sa kaartehan niyo! Kapag pinakasalan na ni Danica si Amante, bibigyan ko kayo ng pera at magsilayas na kayo!” naiinis nitong sambit sa kanyang madrasta. Nanlaki ang mata ng mga babaeng nasa loob. Hindi ata mapaniwalaan ang binibitawang salita ng kanyang ama. Naaawa siya sa kanyang tatay, pero kasalanan naman nila iyon, kaya babawiin niya ang pagpayag na makasal kay Amante.

“Senyorita..” tawag sa kanya ng kanilang kasambahay. Huli na ng pigilan niya itong huwag mag ingay.

Biglang napatingin sa pinto ang lahat ng marinig ang pagsasalita ng katulong. Nagmamadali siyang bumaba ng hagdan saka tumakbo palabas. Binitawan niya ang mga dalang papeles. Nagkalat iyon sa sahig.

“Danica! Danica!” tawag ng kanyang ama, “bumalik ka!”

“Habulin niyo!” utos ni Rodora sa mga anak. Nagmamadaling lumabas ang mga ito. Naabutan siya ni Ingrid.

“Saan ka pupuntang babae ka?” hinila nito ang kanyang buhok, “bumalik ka!”

“Bwesit ka!” sinuntok niya ito sa mata.

“Aaaah!” sigaw nito. Napilitan si Ingrid na bitawan siya at hawakan ang nasaktang mata, “walanghiya ka!”

Nagmamadali siyang sumakay ng kotse. Pinaibis iyon sa garahe at mapilis na pinatakbo palayo ng kanilang bahay. Hilam ang mga luha dahil sa kanyang nasaksihan at narinig sa mismong bibig ng kanyang ama. Mabuti na lang at matagal na siyang naghahandang bumukod. Dumiretso siya sa kanyang nabiling bahay na malayo sa kanilang lugar.

Pinupuntahan lang niya iyon kapag nais niyang magpahinga na walang iistorbo sa kanya. Mabuti na lang at hindi niya iyon nabanggit sa kanyang ama.

Abot abot ang tunog ng kanyang cellphone, hindi niya iyon pinapansin. Pinili na lang niyang patayin ang power button nito, upang matigil na ang pagtunog niyon. Pumasok siya sa loob ng kanyang bahay. Doon niya ibinuhos ang lahat ng pait at sakit na nararamdaman.

Hindi niya akalaing sa ganitong sitwasyon at pagkakataon sila maghihiwalay ng landas ng kanyang ama, na inunawa niya sa matagal na panahon.

“Papa.. bakit???” napasandal siya sa likod ng kanyang pinto, saka dahan dahang naupo. Hindi pa nauubos ang luhang kanina pa umaagos mula sa kanyang mga mata.”Mama.. Tulungan mo ako..” ang tangi na lang niyang nasambit habang patuloy ang kanyang pagtangis.

JETHRO:

“One shot of scotch please,” request niya sa bar tender. Naupo siya sa harapan noon. “Mukhang iindiyanin na naman ako ng mga kaibigan ko, nakakainis,” napailing-iling pa siya habang iginagala ang mata at umaasang nagbibiro lamang ang mga ito, na hindi sila maaari ng mga oras na iyon.

“One shot of scotch sir,” nakangiting iniabot ng bartender sa kanya ang kanyang inorder. Napatingin siya dito at ngumiti.

“Salamat,” nilagok niya iyon. mainit init ang hagod sa lalamunan ng alak. Umorder pa siya ng isa pang shot ng alak. Tumingin tingin siya, kaliwa’t kanan. Naagaw ng kanyang pansin, ang isang babae sa sulok. Nakatagilid ito, nakasuot ng blue short dress.

Pinanood niya ang ginagawa nito, maging sa pag inom, at pagtanggi sa mga lalaking lumalapit dito na nag- aayang magsayaw. May maliit itong clip sa kabilang gilid ng ulo. Ang buhok ay hanggang leeg lang. At lalo pa niyang nabisto ang mukha nito, ng lumingon ito sa gawi niya. Matalas ang mata nitong tumingin sa kanya.

“Mukhang hindi magiging bored itong gabi ko, dito ko malalaman kung gaano kalakas ang aking sex appeal!” napangiti siya, pagkalagok ng kanyang huling alak, tumayo na siya upang lapitan ang babae. Naaamoy niya ang pabango nito na mild lang ang amoy. Ang hugis puso nitong pendant na nakalaylay sa leeg nito at bagay na bagay sa kulay ng damit nito.

“Miss—” bati niya dito, ngunit hindi niya inaasahan ang isinagot nito sa kanya.

“Mister, kung yayayain mo rin akong sumayaw, humanap ka na lang ng iba, ayoko nga eh, hindi ba? Napansin na kita diyan kanina, at kita mo naman kung paano ko tinanggihan yung mga nauna sayo!” mataray na sagot nito sa kanya.

Napatawa naman siya dito. Ang mga babae talaga sa bar, mga pa hard to get, kahit willing magbaba ng panty, para sa pera.

“Magkano ka ba?” tanong niya dito, “name your price!”

“What?” nangunot ang noo nito at naningkit ang matan pagtingin sa kanya.

“Mukha kasing nagpapataas ka lang ng presyo, but you caught my attention,” ngumisi siya dito. “Name your price!”

Hindi niya inaasahan ang pagdapo ng palad nito sa kanyang pisngi. Nabiling ang kanyang mukha pakanan. Dahan dahan niya itong nilingon. Namumula ang mata nito sa galit.

“Kung sanay kang magbayad ng babae, pwes, humanap ka ng mga kasing kati mo!” asik nito sa kanya. Hindi siya makapaniwalang may isang babaeng magtatangkang tumanggi sa kanya, at nagpadapo ng palad sa kanyang pisngi.

“Masyado ka bang mahal? nagpapakipot ka pa, ano ka? Gold? magpasalamat ka na lang at nilaanan kita ng oras ko, kahit maraming may gusto na sila ang mapansin ko!” inis niyang sabi dito, “mas maganda pa sila kesa sayo!”

“Oh? ano ngayon? eh di doon ka sa mga sinasabi mo! ano namang feeling mo? kagwapuhan ka para panghinayangan ko? hindi ka rin gold! Saka lumayo ka nga sakin! kuhang kuha mo ang inis ko,” pagtataboy nito sa kanya.

Napatiim bagang siya sa sinabi nito. Hindi niya akalaing may babaeng tatanggi sa kanya. Hindi pa ito magpasalamat na nag alok siya ng bayad, samantalang iyong iba, nagkakandarapa, maikama lang niya.

Tinalikuran niya ito at bumalik sa dating pwesto sa bar. Agad siyang nilapitan ng bar tender saka tatawa tawang napailing.

“Ang suplada talaga niyan sir, pang ilan na rin kayong tinanggihan niyan,” pagbabalita nito sa kanya.

“Oh? ilan naman kaming nasampal?” napangiti pa siya, naisip niyang hindi pala siya nag- iisa.

“Kayo lang sir,” sagot nito habang pinupunasan ang lamesa.

Muli niyang nilingon ang babaeng iyon. May bote na ito ng alak sa harapan. Panay ang lagok nito, na parang nagmamadaling maubos ang laman ng isang bote.

Nakipagsayaw na lang siya sa ibang babae. Marami din naman ang bumati sa kanya sa dance floor, dahil tambayan nila iyon ng kanyang mga kaibigan.

“Hi pogi,” nilapitan siya ng isang grupo ng mga babae.

“Hi, beauties,” kanina, iniisip niyang masizero siya ngayong gabi, subalit hindi naman pala, manok na ang nalapit sa palay.

“I just saw you earlier, ang swerte naman ng babaeng iyon at napansin mo siya, by the way, my name is Marga, and you are?” halos idikit nito ang dibdib sa kanya.

“Call me Jet,” umiindak indak niyang sagot.

“Oooh.. the famous Jet..” nagkatawanan pa ang mga babaeng nakapaligid sa kanya

Masaya silang nagsasayawan ng mga babaeng pumaligid na sa kanya. Magaganda ang tugtugan ng gabing iyon. Ngunit natigil sila ng may kumosyong maganap malapit sa bar counter.

“Ayoko nga!” malakas ang tinig ng babaeng halos kaladkarin na ng isang lalaki.

“Sumama ka na sakin, kaya kitang paligayahin,’ inilabas labas pa nito ang dila.

“Naku, si boy manyak na naman, nagkikita na naman ng bibiktimahin yan,” sabi ni Marga.

“Sinong boy manyak?” nangunot ang kanyang noo.

“Si Delgado. Yung anak ni Governor. Naku, kapag may natitipuhan yan, basta na lang kinakaladkad,” napapailing na sagot ni Marga sa kanya.

“Ayoko nga!” sinampal ito ng babaeng nanampal din sa kanya kanina.

“Aba’t! hayup kang babae ka!” itinaas nito ang kamay, akmang sasampalin ang nanampal na babae, subalit maagap niya iyong napigilan.

“Babae yan brad.. gagantihan mo?” tanong niya dito. Agad hinila ni Delgado ang braso mula sa kanya.

“Ano bang pakialam mo? girlfriend ko yan,” asik nito sa kanya, “babe, halika na, lasing ka na,” hinawakan nitong muli ang babae.

“Bitiwan mo siya! Wala siyang kasama kanina, isa pa, anong pangalan niya kung girlfriend mo siya?” tanong niya dito.

“Huh? bakit? type mo rin ba ang p****k na yan? eh di sayo na!” isinalya pa nito sa kanya ang babaeng lasing na lasing na. Saka sila tinalikuran nito.

“Okay ka lang ba?” tanong niya sa babaeng halos hindi na makatayo ng tuwid.Hawak niya ito sa magkabilang braso, habang nakatalikod sa kanya. “Ihahatid na kita.. saan ka ba umuuwi?” kahit naiinis siya dito dahil sa pagkakasampal nito sa kanya, hindi naman maaatim ng kanyang konsensiya na pabayaan itong mabitbit ng kung sinong manyakis sa lugar na iyon.

Subalit tuluyan na iyong nawalan ng malay…