CHAPTER THIRTY ONE

 EKSAKTONG alas-siyete na ng gabi dumating ang kotse ni Varun. Nakaramdam ng selos si Pamela nang alalayan pababa ng asawa niya si Margareth.

“Goodevening, come in… let’s talk over the dinner,”ani ni Pamela. Matipid lamang nangiti si Margareth, sa isip ni Pamela ay mabuti na lang at nakapag-ayos siya kahit paano. Sa totoo lang ay na-insecure siya kay Marga. Napakasexy kasi nito sa suot nitong backless na itim na dress. Bagay na bagay ito sa kulay nitong mestisahin, naglakad na siya papasok

Kung pagtatabiin lang sila ni Varun ay hamak na mas nababagay ito kay Margareth.

Agad niyang dinismula ang pag-iisip ng kung ano-ano sa babae lalo’t narito ito ngayon sa pamamahay nila. Hindi siya pumayag na imbitahin ang mag-ina nito para sa dahilan na pag-isipan niya ito ng kung ano-ano.

Tuluyan silang naupo. “Let’s eat, enjoy,”pagbibigay permiso ni Pamela nang umpisahan na nila ang pagkain.