NAPANGITI SI Monica habang pinagmamasdan ang anak na si Princess habang naglalaro ito kasama ang Lolo Berto at Lola Terry nito sa hardin. Kasalukuyan siyang nandoon sa terrace kung saan tanaw niya ang mga ito. Kitang-kita niya ang masasayang ngiti at ang kagalakan sa bawat tawa nito habang kasama ang Lolo at Lola na ngayon lang niya napagtanto na kailangan pala ng anak niya ang mga ito, para maging masaya. Humalukipkip siya. Lumalaki na si Princess Monica at natatakot siya dahil alam niya sa paglaki nito, magsisimula na rin itong magtanong tungkol sa tunay nitong ama na hindi niya alam kung ano'ng sasabihin niya kapag dumating na ang puntong iyon. Napabuntong-hininga si Monica at malungkot na tiningnan ang masayang anak. Naawa siya para rito dahil hindi man lang nito nakilala ang ama pero alam niyang mas mabuting hindi nito alam iyon dahil hindi naman ito nabuhay dahil sa pagmamahal, kung 'di dahil sa pagkakamali niya. Napapitlag si Monica nang mag-vibrate ang hawak niyang cellphon
"KUYA Zymon? Kuya!"Hindi alam ni Monica kung paano nakilala ni Princess si Zymon dahil tinawag nito ang pangalan ng binata. Sa pagkakaalam niya, hindi pa niya nabanggit ang pangalan nito o naikwento man lang ang tungkol kay Zymon.Nagtatakang tiningnan niya si Zymon at ang anak niya na masayang nakangiti habang kaharap ang binata. Hindi agad siya nakagalaw dahil sa nakikita niya. Kumurap si Monica ng ilang beses at ng mapagtantong kaharap ng anak niya si Zymon, mabilis siyang lumapit kay Princess at inilayo ito."P-paano mo nakilala si Zymon?" baling niya sa anak na puno ng pagtataka.Hindi agad nakasagot si Princess, bumaling pa ito kay Zymon habang alangang nakangiti. "Kasi po, Mommy nakita ko po siya sa Mall dati no'ng nawala po ako," paliwanag ng anak niya na mas ikinagulat niya."Huh? A-ano'ng ibig mong sabihin, siya ang nakahanap sa 'yo sa mall?" paglilinaw niya.Ngumuso si Princess at marahang tumango. "Ang bait nga po niya, Mommy, eh, kasi binilhan niya po ako ng ice cream na
HUMINTO ang sasakyan ni Zymon sa tapat ng isang malaki at mataas na gusali. Napatingala si Monica at nalula sa taas niyon, napakunot pa ang noo niya dahil sa matinding sikat ng araw."Let's go, Monica," aya ni Zymon sa kaniya na seryoso lang ang mukha.Umirap siya bago sumunod sa binata na naglakad na patungo sa entrance ng gusali. Napaismid pa siya dahil sa inis dito. Hindi niya makuhang isipin kung ano'ng intensyon nito kung bakit tila gusto nitong mapalapit sa kaniya.Binati ng mga employado si Zymon habang ngumingiti lang si Monica sa mga ito. Lumapit si Zymon sa receptionist at kinausap ito. Hindi na siya sumunod pa sa binata. Napatingin siya sa malaking pangalan na nakalagay sa wall sa gawi ng reception area. "Bloom Hotel, make it your place," mahinang basa niya."This hotel is owned by my family and Mr. George wants it to be the place for his company anniversary."Hindi niya namalayang nakalapit na pala sa kaniya si Zymon. Tiningnan muna siya nito bago naglakad ulit, patungo na
"That was not a plan, Monic, hindi nakaplano ang pagbisita sa event place, even me, nagulat ako nang nalaman ko mula kay Dad na umalis kayo to go to Bloom Hotel," paliwanag ni Crystal kay Monica habang natatawa ito dahil sa matalim na tingin niya sa kaibigan.Naiinis siya sa kaibigan dahil hindi ito sumama sa pagbisita sa event place habang kasama si Zymon, samantalang kasama ito sa planning team ng event. Naiinis din siya dahil mas nagkakaroon ng pagkakataon si Zymon na makalapit sa kaniya, hindi lang sa kaniya, maging kay Princess."Bakit hindi ka sumunod? Alam mo namang si Zymon ang kasama ko roon at alam mong ayaw ko siyang makasama," giit niya.Humigop si Crystal sa milk tea na hawak nito. Nasa isang milk tea shop kasi sila para pag-usapan ang ibang mga kailangan sa pagpaplano ng event. "I wanted too, Monic kaya lang may urgent meeting ako nang araw na 'yon."Bumuntong-hininga si Monica. "Ok, fine, naiintindihan ko pero naiinis ako kay Zymon, Crystal. I don't know how long I can'
HINDI alam ni Monica kung bakit sinasalakay siya ng kaba habang papunta siya sa kompanya ng pamilya ni Crystal para sa pagpaplano nila sa darating na event, baka marahil dahil alam niyang nandoon si Zymon.Mahigpit na napakapit siya sa purse na hawak niya nang bumukas ang elevator at huminto iyon sa twelve floor ng mataas na gusali. Saglit siyang pumikit, bago naglakad patungo sa opisina ni Crystal habang mas bumibilis ang tibok ng dibdib niya dahil sa kaba. Pakiramdam kasi niya, sa tuwing malapit siya kay Zymon mas nagiging malapit din ang katotohanan para rito.Huminga muna siya ng malalim bago pinihit ang doorknob ng silid na iyon. Kinalma niya ang sarili mula sa kaba. Unang tumambad sa mga mata niya ang seryosong si Zymon na nakasuot ng white long sleeves at black na slacks. Agad din itong bumaling sa kaniya."Where's Crystal?" tanong agad niya nang mapansing wala roon ang kaibigan.Kumibit-balikat si Zymon. "I don't know. When I came here, wala na rito si Crystal but she's secret
HABANG mas tumatagal na nasa Manila si Monica, mas nararamdaman niya ang takot at kaba sa pwedeng mangyari, lalo pa't mas nagiging mas malapit si Zymon sa kaniya, ganoon si Jericho na ginugulo ang tahimik niyang buhay. Hindi na siya makapaghintay na matapos ang trabaho niya at nang makabalik na siya sa Davao para makalayo sa mga taong iniiwasan niyang bumalik sa buhay niya. "Mommy, please gusto kong lumabas kasi po palagi na lang ako nandito sa loob ng bahay, eh," pagpipilit ni Princess sa kaniya na matagal na nitong gustong gawin dahil first time nga nito sa Manila. "Bakit nga ba hindi mo ilabas si Princes para naman makakita siya ng bagong tanawin," suhestiyon naman ng ama niya na nakaupo sa sofa at may hawak na dyaryo habang nagkakape ito, hindi man lang siya nito nilingon. "Tama ang Papa mo, 'Nak, bakit hindi mo ilabas ang anak mo? Matagal nang gusto ni Princess na lumabas kayo," segunda ng kaniyang Ina matapos nitong ilapag ang gatas at sandwich sa center table para kay Princes
HINDI na alam ni Monica kung paano haharapin si Zymon dahil sa nangyari sa mall nang nagdaang araw. Paano siya titingin sa mga mata nito, gayong pakiramdam niya'y lumalapit na sa binata ang katotohanan tungkol kay Princess. Natatakot siya na baka habang nakakasama niya ito, malaman nito ang totoo at ayaw niyang mangyari iyon.Bumuntong-hininga siya bago bumaba ng sasakyan niya. Kanina pa siyang nakarating sa George Company pero hindi niya magawang ihakbang ang mga paa para pumasok dahil alam niyang nandoon si Zymon. Kinalma muna niya ang sarili at inayos ang damit na suot, saka naglakad kahit mabigat ang mga paa niya."Oh! You're here? It's too early, Monic," ani Crystal nang pumasok siya sa opisina nito matapos niyang mag-ipon ng lakas ng loob. Mabuti na lang at wala roon si Zymon.Bumaling siya sa wrist watch na suot at napapikit nang mapansing maaga nga siya sa oras na usapan ng meeting nila. Nasapo niya ang noo at naglakad palapit sa sofa."I'm distracted." Pabagsak siyang umupo s
"'MA," tawag ni Monica sa Ina nang makauwi siya mula sa trabaho. Hinubad niya ang sapatos at inilagay sa gilid ng pinto, saka pumasok ng bahay. Luminga siya at hindi niya nakita roon ang anak."Parang ang aga mo, 'Nak?" Lumingon siya sa Ina na kalalabas lang ng kusina dahil nagluluto ito ng merienda. "Tamang-tama nagluluto ako ng Turon, 'di ba paborito mo 'to?" nakangiting sabi nito sa kaniya.Ngumiti siya kahit saglit lang iyon. "Thank you, 'Ma, pahinga lang muna ako," paalam niya. Nang akmang hahakbang na siya, naalala niya ang anak. "Si Princess po pala, 'Ma?"Nagtaka si Monica nang umiwas nang tingin ang kaniyang Ina at hindi agad nakasagot. Napakamot pa ito sa noo na tila ba hindi masabi ang dapat sabihin. "S-si Princess? Na-nasa park siya kasama ang Papa mo," anito na iwas sa kaniya."Nasa park po? Si Papa lang po ba ang kasama?" patuloy na usisa niya dahil kabisado niya ito, alam niya ang reaction ng Ina kapag may tinatago nito.Hindi ito mapakali. "Ano kasi...kasi, kasama nila