Kabanata 13: Meeting

MABILIS NA bumaba ng taxi si Monica ng marating niya ang George Company. Kung titingnan iyon, malulula ka sa taas ng building na pag-aari ng pamilya ni Crystal. Hindi maikakailang mayaman ang kaibigan niya pero sa kabila niyon, naging kaibigan pa rin niya ito kahit sabihing hindi sila pareho ng status sa buhay.

Binilisan niya ang paglakad hanggang makarating siya sa elevator at pinindot ang 10th floor. Inayos niya ang hibla ng buhok na humarang sa mukha niya at saglit na pumikit. Hindi niya alam pero hanggang ngayon, iniisip pa rin niya ang nangyari kanina at ang mga sinabi ni Jericho sa kaniya. May bumubulong sa loob niya na tanggapin ang closure at pakikipagkaibigan na inaalok nito pero sa kabilang banda'y natatakot siya dahil alam niyang mauungkat ang tungkol kay Princess.

Bumuga ng hangin si Monica nang bumukas ang elevator. Lumabas siya roon at naglakad patungo sa kanan para pumunta sa meeting room ng kompanya, kung saan nandoon na ang ilang mga taong kailangan sa event na hindi