Chapter 4

Vengeance 4

Nakangising pinanood ni Kiana ang dalawa na naglilinis na ngayon sa kusina. Naitanong niya sa sarili kung bakit takot ang biyanan ng kapatid sa parents niya. Biglang nabura ang kakaibang ngiti sa labi niya nang maalala ang tinuturing na pamilya ng kakambal. Hindi niya akalaing may ikalawa ng asawa ang ama at ang malala ay may anak pa ang mga ito na halos kaedaran lamang nila ni Karen.

Naikuyom ni Kiana ang mga kamay sa isiping dumanas ng hindi magandang trato ang kapatid sa pamilya ng asawa nito. Siguradong hindi rin naging maganda ang buhay nito sa piling ng ikalawang pamilya ng ama nila. Ang akala niya noong una ay patay na ang ama nila. Ang ina ay nabalitaan niyang hindi na nakaligtas nang araw na iniwan nila. Natuyuan umano ng dugo, iyon ang ikinamatay ng ina. Pero hindi niya mahanap ang pinaglibingan sa ina at iyon ang isa niyang mission pa. Ang mahanap ang abo ng ina.

"Karen, look at them. Unti unti ko silang singilin sa pagpapahirap nila sa iyo. Siguradohin kong pagsisihan nilang naging parte ka ng pamilya nila!" bulong ni Kiana sa sarili habang matalim ang mga titig na ipinukol sa dalawa na hirap alisin ang mantikang nagkalat sa gamit at sahig.

Inis na binitiwan ni Gladys ang basahan at tumingin sa gawi ni Karen. Natigilan siya nang mahuli ang kakaibang titig nito sa kanila at ang naka paskil na ngiti sa labi nito. Pero parang namalikmata lamang siya at pagkakurap ay isang maamong babae na ang nakikita niya kay Karen. Gusto niya itong utusan na tulungan sila ngunit tumalikod na ito at iniwan sila roon sa kusina.

Pabagsak na binitiwan ni Rosita ang mop saka hinarap ang anak. "Tapusin mo na iyan at ma order ako ng pagkain natin!"

Nagdadabog na sinunod ni Gladys ang ina. Order sa labas na lang talaga ang gagawin nito dahil lalo silang ginutom sa paglilinis at wala nang oras upang magluto. "Huwag mong idamay sa order ang babaeng iyon!"

"Alam ko at busog na iyon sa prutas na kinain." Inis na tugon ni Rosita sa anak. Ang mamahal pa naman ng prutas na kinain ng babaeng iyon kaya lalong uminit ang ulo niya.

Sa silid, natatawang pinapanood ni Kiana ang dalawang nag uusap sa kusina. Lingid sa kaalaman ng mga ito ay may inilagay siyang surveillance camera na hindi basta mapansin ng isang taong tulad ng mga ito. Mayroon din sa sala saka sa bakuran. Mapadali ang trabaho niya dahil sa ganito. Ni lock niya ang pinto ng silid upang walang maka isturbo sa kaniya at hindi mapansin na wala siya. Dala ang mga gamit to disguise ay dumaan siya sa terrace na kanugnog lang din ng silid na kinaroonan. May tali siyang ginamit upang makababa mula sa second floor ng bahay. Kaya naman niyang talunin iyon pero marami kasi siyang dala. Mabuti na lang at walang katulong o guard ang pamilyang sinisilungan ng kakambal kaya malaya niyang nagagawa ang gusto, katulad ngayon.

...

"Sir, ito na po ang information na gusto mong malaman." Ibinigay ni Leo ang folder kay Xavier na kahapon pa mainit ang ulo.

Pahaklit na kinuha ni Xavier ang folder at agad na binuksan upang makita ang laman. Agad na umaliwalas ang mukha nang makita ang isang larawan ng babae. "It's her!"

Sinilip ni Leo ang tinitingnang larawan ng amo. Iyon nga ang babaeng hinahanap nito. Kahit papaano ay nakahinga na siya nang maluwag at maging ok na ang mood ng amo dahil nahanap na ang babae.

"That bastard, bakit nagsinungaling sila sa akin?" Galit na turan ni Xavier at ang tinutukoy ay sina Troy.

"Sir, siya po yata ang anak sa unang pamilya ni Troy at ang asawa ni Mr. Denver." Sabat ni Lucio na naka tayo sa likod ni Xavier.