Chapter 5

Biglang natahimik ang paligid at parang nabingi si Leo sa narinig. Pahamak talaga lagi ang bibig ni Lucio. Pero totoo ang sinabi nito at nakalimutan niyang iyon ang conflict na nasa isipan bago pa naibigay ang file sa binata. Nag iisip pa siya kanina nang magandang intro sana sa pagsabi sa amo pero inunahan siya ni Lucio. Ang gago at nagtatanong pa ang tinging ipinukol sa kaniya. Nagtatanong kung may nasabi ba itong mali dahil biglang natahimik ang amo nila.

"Asawa?" pag uulit ni Xavier sa narinig habang mahigpit na hawak ang larawan.

Sabay na napalunok ng sariling laway sina Leo at Alex saka tumango. Si Lucio ay mukhang inosinteng nakatayo lang sa likod ni Xavier. Saka lang ito nakaramdam ng takot tulad nila nang suntukin ng boss nila ang lamesa. Patakbo itong lumapit kina Leo.

"Ano pa ang alam mong information tungkol sa kaniya?" Pabulyaw na tanong ni Xavier lay Lucio.

"Li-limang buwan po siyang buntis at naaksidente siya, two weeks ago kaya nagkaroon ng amnesia. Ang asawa niya po ay nasa business trip." Kabadong sagot ni Lucio.

"No!" Galit na nasuntok muli ni Xavier ang lamesa kaya angkalata ang mga nakapatong doon. "Hindi siya ang babaeng iyan!" Parang napapasong binitiwan niya ang larawan ni Karen.

Nagkatinginan sina Leo at Alex at nagugulohan sa inaakto ng amo nila.

"Hanapin ninyo ang kamukha ng babaeng iyan at alamin ang iba pang impormasyon sa pamilya nila!" Galit na utos ni Xavier sa tatlo.

Napakamot sa ulo si Lucio habang nakatingin sa larawan ng babae. Hindi alam kung bakit nagagalit ang amo sa kaalaman na may asawa na ang nasa larawan at naisip pang kamukha lamang iyon ng babaeng parang gagambang umakyat sa pader at—natigil sa pag iisip si Lucio at napapitik ang daliri sa hangin. "Tama po kayo, boss!"

Tumaas ang mga kilay nila Leo at Alex dahil sa biglang naibulalas ni Lucio.

"Tama kayo na hindi nga siya iyang nasa larawan dahil ang nakita kong umakyat sa pader ay sexy, samantalang ang nasa larawan na iyan ay buntis."

Napatango tango si Leo at may punto ang kaibigan. May utak din pala ito at mabilis na naisip ang bagay na iyon.

Umangat ang isang sulok ng labi ni Xavier habang matalim ang tingin sa kawalan. "Kailangan kong malaman kung ano ang kaugnayan niya sa pamilyang ito ngayon din!" Tukoy sa naging kaanak.

Sabay na napaigtad ang tatlo dahil sa lakas ng boses ng amo nila. "Masusunod po, boss!" Sabay ding bigkas ng mga ito at nag unahan na sa paglabas ng opisina.

Nang mapag isa na lang ay muling dinampot ni Xavier ang larawan ng babae. Kamukha talaga ito ng babaeng nakatalik pero alam niyang hindi buntis ang babae. Siya ang nakauna sa pagkababae nito kaya imposible ang nasa report. Habang tumatagal ay lumalalim ang paghahangad niyang mahanap ang babae. Ilang sandali pa ay tinawagan niya ang isa sa kakilala upang alamin ang ilan sa event na kailangan niyang puntahan.

"Mamayang gabi ng six ay mayroong masquerade event at sure na darating ang mga taong nagtatago sa isang anino lamang. Makahulogang turan ni Sergio.

Napatingin si Xavier sa golden card na natanggap kanina. Mukhang iyon ang invitation para sa event mamaya. "Ok, see you later."

Napangiti si Sergio at natuwa sa naging sagot ng kaibigan. Tiyak na matuwa sa kaniya ang ama kapag nalaman na nagawa niyang papuntahin si Xavier, ang big shot sa loob at labas ng bansa. Kilala si Xavier na malinis ang organisation na hawak pero masamang kalaban. Sadyang kinaibigan niya ito para sa connection at vice versa lang silang dalawa.

Pagkababa sa tawag ay napatitig muli si Xavier sa larawan. Nakapagtaka at hindi niya nakita ang babaeng nasa larawan kasama si Denver. Minsan na nakita niya si Denver sa isang pagtitipon pero bakit ibang babae ang nakikita niyang kasama nito sa event na dinalohan? Alam niyang may kailangan siyang alamin at mahanap ang babaeng naka one night stand. Ilang sandali pa ay tumawag si Alex.

"Boss, hindi po makita ang family background ng unang pamilya ni Mr. Troy. Mukhang may pinagtatakpan o itinatago kaya naging confidential. Bukod sa anak niya si Karen sa namatay na niyang asawa ay wala nang makuhang information."