Chapter 6

"Ano ang dahilan ng pagkamatay ng una niyang asawa?" tanong ni Xavier habang sinisindihan ang sigarilyo.

"Ang taon na nagkaroon ng malaking gulo sa pagitan ng dalawang organisation namatay ang una niya pong asawa." Sagot ni Alex.

Bumuga ng usok sa bibig si Xavier saka naglakad patungo sa malaking glass window. "Kailangan ko ng kumpletong detalye."

"We try to dig deeper, boss." Pakitang gilas na sagot ni Alex. Ngunit mukhang nasayang ang english niya at wala na ang kausap sa kabilang linya.

"Ano ang sagot?" tanong ni Lucio na halos dumikit na ang mukha sa ulo ni Alex.

"Sagot saan?" Nairitang balik tanong ni Alex dito at saka lumayo.

"Sa english mo?"

Binatukan niya si Lucio at sa daming itanong ay iyon pa. Dinagdagan lang nito ang pagkaasar niya. "Magtrabaho ka na nga at huwag puro chismis!"

Napakamot sa ulo si Lucio at lumayo na sa kaibigan. Hinanap si Leo ngunit mukhang iniwan na sila at bumalik sa mansion ng boss nila.

Tama lang na naitigil ni Leo ang sasakyan sa parking area nang tumawag ang amo.

"Be ready, aalis tayo after half hour."

Tumango si Leo kahit hindi nakikita ng binata na nasa kabilang linya. Alam niya kung saang event pupunta ito. Maaga pa pero alam niyang sadyang maaga itong pupunta upang personal na mag matyag sa paligid.

....

Suot ang kulay maroon gown na hapit sa katawan at itim na maskara ay ngumiti si Kiana sa harap ng salamin. Tanging mapang akit na labi ang makikita sa kaniya at ang mapupungay na mga mata. Hindi siya basta makilala kahit pa ng kaanak. Kailangan niyang mag ingat lalo na at dalawang katauhan ang gamit niya ngayon.

"Kiana, are you ready?" Boses ng isang lalaki mula sa suot ni Kiana na maliit na headset.

"Yes, ituro mo sa akin ang taong kailangan kong makuha ang loob." Sagot niya sa kaibigan habang inaayos ang suot na kuwentas at may nakakabit doon na maliit na surveillance camera.

"Nakita ko na siya sa bulwagan." Imporma ni Ronald sa dalaga.

Tumango tango si Kiana kahit hindi siya nakikita ng ginoo. Marami siyang pinagdaanan upang maging malakas at makapasok sa ganitong circle. Isa si Ronald ang naging daan niya na maliit na tao lamang sa larangan ng ganitong associate ang ginamit niya. Pero alam niyang marami itong alam at madaling makalapit sa mga taong target niya upang isakatuparan ang misyon na paghihiganti.

Mula sa itaas ay tinanaw ni Kiana ang bulwagan at hinanap si Ronald. Hindi siya maaring lumapit dito at malaman ng iba na magkakilala sila ng lalaki. Kailangan niyang makilala ang taong sinasabi nitong may alam sa pamilyang naka link sa pagkamatay ng kaniyang ina. Hindi pa totally bumanalik ang iba niyang memorya noong bata pa siya pero gumagalaw na siya at hindi makapaghintay. Ang tagal din niyang nangapa tungkol sa tunay niyang pagtakato noon. Mabuti na lang at natagpuan siya ng kanilang yaya noong nahulog siya sa bangin kaya buhay pa siya ngayon. Ilan lang sa naalala niya ay may kakambal siya at ang hindi magandang nangyari sa ina.

"Nasa right side siya at kausap ang ilan sa kaibigan." Imporma ni Ronald sa dalaga gamit ang headset.

Bumaling ang tingin ni Kiana sa taong tinutukoy ni Ronald. Ngunit ganoon na lang ang sikdo ng dibdib niya nang masalubong ang matiim na tingin ng isang lalaking mukhang kanina pa siya napapansin. Pareho sila ng kulay ng maskarang suot at labi lang din ang nakikita dito saka mga mata. Ewan ba niya pero parang pamilyar ang madilim na mga mata ng lalaki kung maningin.

"Mukhang interesado na rin siya sa iyo kaya grab the opportunity." Nanunuksong ani Ronald.

Nagulat siya nang marinig muli ang tinig ni Ronald mula sa kabilang linya. Kung ganoon ay ito na nga ang lalaking kailangan niyang makuha ang loob. Pero bigla siyang nag alinlangan na lapitan ito. Kung makatingin kasi sa kaniya ay parang kilala siya? "Ano ang pangalan niya?" Wala sa loob na naitanong niya kay Ronald.

"Xavier Smith."

Parang biglang nabingi si Kiana nang banggitin ng ginoo ang buong pangalan ng binata. Kilala niya ang lalaki at hindi pa ito ang oras upang mag krus muli ang landas nila. Agad siyang tumalikod at balak nang umalis sa bulwagan ngunit napatda siya nang may magsalita sa likuran niya.