Chapter 10

Aria's Pov

Niyakap ko ang sarili ko nang maramdaman ko ang malamig na simoy sa katawan. Napatingin sa akin si Damian, saka niya pinababa ang temperatura ng kaniyang sasakyan.

Tahimik lang kami hanggang sa makarating sa isang kilalang Luxury Restaurant. Madalas kami dito ng aking pamilya, kaya kabisado ko na kung ano ang gusto kong i-order.

Naunang bumaba si Damian. Bababa na rin sana ako nang bigla siyang umikot sa harapan ng sasakyan at pagbuksan ako ng pinto. Napakunot ang noo ko pero hindi niya napansin dahil nakatingin na siya sa unahan.

Lumakas ang kabog ng dibdib ko nang maramdaman ko nang pinag-angkla niya kamay ko sa braso niya. May kung anong init at kaba ang gumapang sa katawan ko, pero hindi ko na iyon inintindi. Basta, sumunod lang ako sa kanya.

Pagpasok namin, agad akong sinalubong ng malamig na temperatura ng lugar—pero mas malamig ang tingin ng ina ni Damian. Ramdam ko agad.

Nakipagkamay kami sa ama niya. Magbebeso sana ako sa ina niya, pero iniwas niya ang pisngi niya.