Chapter 2. Vladimir Barameda

Naging abala ang maghapon ni Lyka alas kwatro na nang hapon nagtungo siya sa kanilang pantry section para gumawa ng kape. Hindi mawala sa kanyang isipan ang mga sinabi ni Henry tungkol sa pagdating ng anak nito. Nag aalala siya dahil alam niya na ang dahilan ng pagbabalik nito ay ang tungkol sa relasyon nila ng kanyang ama na si Henry.

“Miss Lyka!” Tawag ng secretary sa kanya.

“So-rry, ano yun?” Nauutal niyang sagot dito.

“Miss Lyka, are you okay may problema ba? Nakatulala ka kasi kanina pa kita tinatawag eh. Tawag ka ni Sir Henry wala ka sa office mo kaya alam kong narito ka para magkape.”

“Thank you. I’ll be there in a minute.” Nakangiting sabi ni Lyka sa babae.

Tinapos niya ang kanyang kape at agad na siyang nagtungo sa opisina ni Henry. Kumatok siya sa may pintuan ng opisina at binukasan ito. Nakita niya si Henry na may kausap sa telepono at nakangiti ito. Umupo si Lyka sa may sofa habang hinihintay na matapos si Henry sa pakikipag usap sa telepono.

“Lyka, my son will arrive tonight. It's earlier than expected. Umuwi muna tayo sa bahay para makapag bihis then we pick him up at the airport.” Masayang sabi ni Henry bakas ang pananabik nito na makita ang anak. 

Umuwi sila sa bahay ni Henry at nagbibihis ng damit hindi malaman ni Lyka kung ano ang kanyang dapat suotin kinakabahan siya sa paghaharap nila ng anak ni Henry. Lahat ng isinusuot niya ay binabagay niya sa kagustuhan ni Henry dahil ayaw naman niyang magmukhang alangan para dito sa tuwing sila ay magkasama. Isang black casual dress ang kanyang isinout subalit labas na labas pa rin ang kagandahan ni Lyka at ganda ng kanyang katawan. Bumaba na siya sa sala napangiti si Henry nang makita siya.Kaagad siya nitong sinalubong at inalalayan ang kanyang kamay.

“You are so beautiful Lyka,” papuri ni Henry sa kanya.

“Thanks Henry, you are really great too.” Nakangiting sagot naman ni Lyka. Lumabas na sila ng bahay at sumakay sa sasakyan patungo sa airport.

Hinawakan ni Henry ang kanyang kamay dahil alam nitong kinakabahan siya mga oras na ito. Naiintindihan niya si Lyka dahil ito ang kauna-unahang pagkakataon na ipakikilala niya ito bilang kanyang nobya sa kanyang anak. Matagal na rin na nais ni Lyka na ipakilala si Henry bilang kanyang nobyo sa kanyang pamilya ngunit hindi sumang ayon si Henry dahil malaki ang agwat ng kanilang edad nag aalala ito na ikagalit lang ito ng mga magulang ni Lyka at pareho naman nilang alam na hindi dahil sa pag-ibig kaya sila nagkaroon ng ugnayan. Sadyang komportable lang sila sa bawat isa at maganda ang kanilang pagsasama. Alam ni Henry na darating ang araw na matatagpuan ni Lyka ang lalaki na kanyang mamahalin at magmamahal din sa kanya. 

“Don't worry everything will be alright,” sabi ni Henry kay Lyka habang hawak ang mga kamay nito. Ngumiti naman sa kanya si Lyka.

Makalipas ang isang oras ay nasa airport na sila alas siyete na nang gabi. Nakupo sila sa waiting area ng airport habang hinihintay ang paglabas ng anak ni Henry. Maya-maya pa ay nakatanggap ng tawag si Henry mula ito sa kanyang anak na nakalapag na ang eroplanong kanyang sinasakyan. Lumakas ang kabog ng dibdib ni Lyka habang naghihintay sila sa pagdating nito.

“Dad!” Tawag ng isang matangkad at gwapong lalaki kay Henry.

Kaagad na tumayo si Henry at sinalubong ang anak. Isang mahigpit na yakap ang iginawad ni Henry sa kanyang anak ganun din naman ito sa kanya.

“I miss you Dad! How are you? Parang hindi tayo tumatanda ha!” Nakangiting sabi ng kanyang anak.

“My Son, kabayo lang ang tumatanda.” sagot naman ni Henry at mahina silang nagtawanan.

“Let's go, I want to introduce someone to you,” sabi ni Henry.

Kinakabahan man ay agad na tumayo si Lyka nang makita niyang papalapit sa kanya ang mag ama.

“Lyka, I want you to meet my Son Vladimir Barameda. Vladimir, this is Lyka Mendoza, my assistant and a special someone.” Nakangiting pagpapakilala ni Henry sa dalawa.

Isang mapanuring tingin ang agad na sumalubong kay Lyka nang tumingin siya sa mga mata ni Vladimir. Waring sinusuri niya ang buong pagkatao ni Lyka ngunit nakita rin niya ang pagkagulat sa mga mata nito. Itinaas ni Lyka ang kanyang kamay upang makipag kamay dito.

“Hello, I’m Lyka Mendoza, assistant ni Henry.” Pagpapakilala niya kay Vladimir.

Nakatitig sa kanya ang anak ni Henry na waring ayaw kumurap man lang halata na nakuha nito ang atensyon ni Vladimir at humanga sa kanyang angking kagandahan.

“Son, are you okay?” tanong ni Henry sa kanyang anak. Agad naman na bumalik sa kanyang ulirat si Vladimir sa pagtawag ng kanyang ama.

“Oh sorry, I’m Vladimir Barameda, nice to meet you Lyka. You are so beautiful I'm starstruck.” Kinuha nito ang kamay ni Lyka at hinalikan ikinagulat naman ito ni Lyka na ikinapula ng kanyang pisngi at agad na nahiya. Ngumiti si Lyka kay Vladimir at agad binawi ang kanyang kamay. Napangiti naman ng lihim si Vladimir sa reaksiyon ni Lyka sa kanyang ginawa.

“Alright, let's go to the nearest restaurant here. Im starving since earlier.” Sabi ni Henry at hinawakan ang kamay ni Lyka patungo sa kanilang sasakyan. Sumunod naman sa kanila si Vladimir na tahimik na pinagmamasdan ang ama at si Lyka.

Nasa restaurant na sila at kumakain ng magtanong si Vladimir kay Lyka.

“Lyka, gaano ka na katagal na assistant ni Dad?”

“Uhm..three years na,” sagot ni Lyka kay Vladimir.

“Matagal na rin pala. So how's your job?” patuloy na tanong ni Vladimir.

“Okay naman I like my job ginagawa ko naman ito ng mabuti.” Nakangiting sagot ni Lyka.

“Of Course you will like your job and it pays more than you expected.” iba ang tono ni Vladimir sa kanyang mga sinabi. Alam ni Lyka ang nais nitong ipahiwatig.

“Vladimir, don’t go overboard. Lyka is an excellent assistant. She deserves all the privileges I gave to her.” Kalmadong sabi ni Henry at hinawakan ang kamay ni Lyka. Hindi ito nakaligtas sa mga mata ni Vladimir na labis niyang ikinainis.

“Lyka, don't mind him, please enjoy your food and we'll go home after,” sabi ni Henry sa kanya.

Ngumiti si Lyka kay Henry. Ayaw niyang mag alala pa si Henry sa hindi magandang ipinapakita ng kanyang anak. Ngunit hindi rin nakaligtas sa mga mata ni Lyka ang tingin sa kanya ni Vladimir.