Chapter 10 - Luna met her ex-boyfriend

Nag-aalalang umakyat si Luna sa opisina ng Manager. Kakarating lang niya sa restaurant ngunit pinatawag na kaagad siya sa taas. Hindi mapakali na nagpalakad-lakad siya sa harap nang opisina nito. Wala siyang lakas nang loob dahil sa pag-aalalang patalsikin siya sa trabaho.

"Oh, Luna, bakit hindi ka pa pumasok hinihintay ka ni Sir Jason." Puna sa kanya ni Ricky nang mabungaran siya nito sa harapan ng pintuan.

"Ahh-ee kakatok na sana ako!" Sagot niya sa kinakabahang tono.

"Bakit mukhang kinakabahan ka? Kung wala kang ginawang masama, relax lang hindi ka niya kakainin." Biro nito sa kanya saka tuluyang umalis pabalik sa baba. Naiwan nitong bahagyang nakabukas ang pintuan kaya sumilip muna siya sa loob kung galit ba ang mukha nang kanilang manager.

"Pumasok ka na ano pa ang sinisilip-silip mo diyan." Narinig niyang saad ni Jason. Dahan-dahan siyang humakbang palapit sa mesa nito. Bitbit pa niya ang kanyang bag, dahil pagdating niya agad siyang pinaakyat dito.

"Sir, I'm sorry for