Chapter 11- Luna met the new President

Dalawang linggo na ang nakaraan mula noong nag-umpisa si Luna namasukan sa kompanya ng kanyang ama. Dahil walang bakante sa ibang department, na-asign siya bilang secretary ng President. Nagtaka siya dahil mula noong inilipat siya rito, hindi pa niya nasisilayan ang mukha ng Presidente ng kompanya. Kaya ang nangyari hindi siya masyadong abala dahil naging assistant lang siya ng dating secretary ng kanyang ama.

Habang nakaupo sa kanyang cubicle, hindi niya mapigilan na magtanong sa kasamang si Lucy.

"Lucy, pwede bang magtanong?"

Napatingin ito sa kanya. "Yes, ano iyon?"

"Ito lang ba ang gagawin ko rito?" Tanong niya rito.

Tumaas ang isa nitong kilay. "Siguro, dahil anak ka ng dating may-ari kaya gano'n."

"Anong ibig mong sabihin, special treatment gano'n?" Hindi mapigilang bulalas niya.

"Maybe, bakit hindi mo tanungin sa HR?" Nahalata ni Luna na iba ang tono ng salita nito.

Hindi na siya umimik pa, dahil ipinangako niya sa kanyang sarili na hindi na siya maghahanap nang gulo lalo n