Chapter 17

Halos mabaliw ako matapos marinig ang kwento ni Keith tungkol sa nangyari sa pinsan ko. Hindi ko alam kung anong mas nananaig sa nararamdaman ko, kung takot ba o galit. Masyadong mabilis ang nangyari ayon sa pagkakalasaysay ni Keith, maging ako ay hindi ko aakalaing iyon ang nangyari sa pinsan ko. Hindi ko rin alam kung sisisihin ko pa ang sarili ko dahil iniwan ko siyang mag-isa sa Sinnemota, pero tingin ko hindi ko rin siya mailalayo sa gulo kung sinama ko siya rito. Pero kahit na! Hindi siya dpat madamay ditto dahil wala siyang alam.

Huminga ako ng malalim, pinunasan ang luhang hindi ko namalayan tumulo pala at saka sumakay sa karwahe. Hindi ko napansing sumunod pala paloob si Keith sa akin.

“I’m really sorry, June. It slipped from my mind. Saka ko lang naalala nang itanong mo sa akin.” Sabi matapos umupo sa tapat ko.

Pumikit ako at saka sumandal sa upuan. Nanatili akong tahimik, ayokong magsalita lalo na ngayon