KABANATA 4: Hindi Ako ang Pinili

Habang pabalik ng silid-aralan, nasalubong ni Ysa si Sebastian kasama ang ilang kaibigan nito. Si Sebastian ay higit na mas matangkad sa kanila at dahil sa kanyang angking kagwapuhan, madali siyang makilala sa isang tingin pa lamang.

Naglakad ang grupo sa harap ni Ysa ng hindi man lang napapansin ang kanyang presensya.

"Uy, Sebastian hindi ka yata pinuntahan ng 'little follower' mo bago magsimula ang klase?"

"Siguro narinig niyang may girlfriend ka na, kaya broken hearted siya."

"Kahit sa klase ni Propesor Elijah kanina ay parang lutang siya at wala sa sarili. Siguro dahil sa harap niya kayo nakaupo ni Bianca, kaya hindi siya komportable, hahaha!"

Habang naririnig ito, napagtanto ni Ysa na ang tinutukoy nilang "little follower" ay walang iba kundi siya.

Pareho silang nasa top 10 ng kanilang klase. Dahil gusto niya si Sebastian, madalas niya itong puntahan para mag-aral silang dalawa. Hindi niya akalain na sa paningin ng mga kaibigan nito, isa lang pala siyang sunud-sunuran o buntot.

Biglang nakaramdam ng pait si Ysa.

Ang pakikitungo ng mga kaibigan ni Sebastian ay repleksyon ng sarili nitong saloobin. Naisip niya baka ganoon din ang tingin nito sa kanya.

Pero tuwing inaanyayahan niya ito, hindi naman tumatanggi ang lalaki. Masaya pa nga silang nag-uusap kapag sila ay nag-aaral tungkol sa mga aralin nila. Dahil dito, nagkaroon ng ilusyon si Ysa na may pag-asa siya.

Sa pagkakataong ito, narinig niyang nagsalita si Sebastian.

"Sa susunod, huwag niyo na siyang babanggitin sa harap ni Bianca, baka magtampo na naman siya."

"Alam ko, alam ko," sagot ng kaibigan niya.

"Ngayong si Bianca na ang tunay mong girlfriend."

"Kung ako ang tatanungin, napakaswerte mo. May maganda kang girlfriend na gaya ni Bianca tapos may tagahanga ka pang gaya ni Ysa. Pwede mo naman silang tanggapin pareho."

"Tumigil ka nga, huwag kang magsalita ng kung anu-ano. Kaibigan lang ang tingin ko kay Ysa."

"Kaibigan lang ang tingin mo sa kanya, pero siya, gusto kang maging boyfriend."

"Hoy, sa tingin niyo ba gusto pa rin ni Ysa si Sebastian? Mula sa lantad na paghanga baka naging secret love na lang 'yan habang naghihintay na mag-break kayo."

"Paano kung hindi sila mag-break ni Sebastian?"

"Kung hindi sila mag-break, eh 'di sayang ang buhay niya sa kakahintay. Hinding-hindi siya makakapag-asawa, hahahaha!"

"Akala mo naman nasa TV series tayo."

"O, pustahan tayo, ilang taon mananatiling single si Ysa para kay Sebastian?"

"Isang taon? Dalawang taon? Limang taon?"

Sumingit naman ang lalaki sa kanilang usapan.

"Sige na, tama na yan at huwag na kayong gumawa ng gulo."

Pagkasabi niyon, bahagyang umangat ang gilid ng kanyang labi at bakas sa mukha ang pagiging proud. Para sa kanila, isang karangalan ang magkaroon ng babaeng handang maging single ng maraming taon para sa isang lalaki.

Unti-unting lumayo ang kanilang mga anino. Si Ysa, na nakatayo lang sa kanyang pwesto ay hindi namalayang nakakuyom na pala ang kanyang mga kamao.

Hindi na masamang malaman ang tunay na kulay ng isang tao sa ganitong paraan.

Buong araw na balisa si Ysa. Una, dahil nalaman niyang ang lalaking nakatalik niya ay isang propesor sa paaralan at pangalawa, dahil sa tuluyang pagkadurog ng nararamdaman niya matapos marinig ang usapan ni Sebastian at ng mga kaibigan nito.

Pagkatapos ng klase, nakiusap siya kay Trish na dalhin na ang kanyang mga libro sa dormitoryo dahil kailangan na niyang pumasok sa trabaho sa isang milk tea shop.

"Mula nung nag-college tayo, araw-araw ka na lang nagtatrabaho. Hindi ka na nakakapag-aral sa gabi, pero nasa top 10 ka pa rin ng klase. Hangang-hanga talaga ako sa 'yo," sabi ni Trish habang pinapanood siyang mag-impake.

"Wala akong magagawa, kailangan kong kumita para sa mga gastusin ko."

Maraming taon ng magkaibigan ang dalawa, kaya alam ni Trish ang sitwasyon ng pamilya niYsa.

"Ang mga magulang mo talaga... napakabuti ng anak nila pero parang wala silang pakialam, samantalang 'yung kapatid mong lalaki ay parang putik na hindi maiahon sa hirap."

Matapos itong sabihin, naramdaman ni Trish na parang pinapagalitan niya ang pamilya nito, kaya agad siyang bumawi.

"Pasensya na Ysa, mabilis lang talaga akong magsalita."

Ngumiti si ito sa kanya.

"Ayos lang, alam kong para sa kabutihan ko ang sinasabi mo. Paubos na ang oras ko, mauuna na ako."

Pagkasabi niyon, lumabas na siya ng gate ng paaralan bitbit ang kanyang backpack.

Mahigit isang taon na siyang naglalakad mula sa gate hanggang sa milk tea shop. Ginagamit niya ang oras ng gabi na dapat sana ay para sa pag-aaral para magtrabaho. At kapag ang lahat ay mahimbing na ang tulog, ang maliit na ilaw sa kanyang kama ay nananatiling bukas hanggang hatinggabi.

Sabi ng iba, napakadali lang para sa kanya ang makakuha ng scholarship pero siya lang ang nakakaalam kung gaano kahirap ang pinagdaanan niya.

Pagdating sa milk tea shop, nagpalit agad si Ysa ang uniporme at pinalitan ang kanyang kasamahan sa day shift.

Bagama’t part-time lang ito, mahigit isang taon na siya rito kaya itinuturing na siyang parang regular na empleyado. Hindi masyadong abala ang shop kapag gabi, kaya nagpaalam muna siya sa mga kasamahan para pumunta sa banyo.

Nang tumayo siya mula sa pagkakaupo, biglang nag-ikot ang kanyang paningin. Agad siyang kumapit sa pader para alalayan ang sarili habang mabilis na tumitibok ang kanyang puso sa kaba.

Sa isang iglap, may pumasok na nakakatakot na hinala sa isip ni Ysa.

Hindi pa siya dinadatnan ng regla ngayong buwan!!

Imposible, talagang imposible.

Malinaw ang alaala ni Ysa na gumamit ng condom si Elijah noong gabing iyon kung hindi ay hindi siya papayag.

Nasira ba iyon?

Hindi mapakali si Ysa kaya pagkatapos ng trabaho ay pumunta siya sa botika para bumili ng pregnancy test. Hindi siya nangahas na bumili malapit sa paaralan kaya sumakay siya ng taxi papunta sa isang botika na may lima o anim na kilometro ang layo.

Hawak ang pregnancy test, nanginginig ang mga kamay nito. Habang naghihintay ng resulta, nakaupo siya sa banyo, magkadikit ang mga kamay, at taimtim na nagdarasal.

"Diyos ko, sana ay huwag naman."

"Hinding-hindi ko na uulitin, parang awa niyo na, huwag niyo itong gawin sa akin."

"Diyos ko, basbasan niyo po ako... Tulungan niyo po ako..."

Tinawag na ni Ysa ang lahat ng diyos mula Silangan hanggang Kanluran. Bahagyang nakapikit ang kanyang mga mata sa takot na tumingin.

Nang makita niya ang dalawang pulang guhit sa pregnancy test, gumuho ang mundo niya.

Tapos na. Tapos na talaga siya.