Chapter 51

HINDI ko na nahintay na sunduin ako ni Gab. Nag-message na lang ako na kunin nito ang naiwang gamit.

Umaapaw ang emosiyon ko sa nalaman. After five years ay nalaman ko na rin ang katotohanan kung anong nangyari sa relasiyon namin noon.

Sumakay ako sa taxi at nagpahatid sa bahay. Pikit ang mga mata at walang ibang gusto kung hindi ang makauwi na at makapagpahinga. Ayokong mag-isip ng kung ano-ano, lalo na ang nangyaring sagutan sa pagitan namin ni Noreen.

“Sir, nandito na po tayo,” ang sabi ng driver kaya minulat ko ang mga mata saka nilabas ang wallet para magbayad.

Bago pumasok sa gate ay tiningnan ko muna ang oras sa suot na relo. Napaaga ang pag-uwi ko.

Mabagal at maingat ang mga hakbang ko papasok ng bahay para hindi mapansin na nakauwi na ako. Ayokong magtanong si Mama na hindi ko naman alam paano sasagutin.

Dumiretso agad ako sa itaas para pumunta sa kwarto. Mamaya na lang ako bababa kapag hapunan na.

Pagpasok sa kwarto ay hindi na ako nagpalit ng damit at