Chapter 3

Chapter 3

Maganda ang resort na pinuntahan nila. Ang sabi ni Shin ay pagmamay-ari ng Tito ni Grant ang resort na iyon kaya makakadiscount sila. Maraming puno at mga cottages na nakatayo sa gilid ng malaking swimming pool. Asul na asul ang tubig kaya ang mga kasama ay nagtalunan kaagad sa tubig dahil mainit talaga ang panahon.

May mga videoke rin na pwedeng rentahan. Ang maganda lang sa pagsama niyang ito ay wala siyang ginastos kundi pamasahe dahil sagot ng barkada nina Shin lahat.

"Buti pinayagan ka?" ani Shin habang magkatabi silang nakaupo sa cottage.

"Ako pa," pagmamalaki niya.

Napangiti ito.

"Ganda mo diyan sa suot mo," papuri nito sa floral dress na suot niya. Alam niyang namula siya sa sinabi nito.

"Hoy Shin! Mamaya na landi, tulungan mo muna kaming buhatin papunta diyan yung ihawan saka videoke!" tawag ni Clark at Alexis.

"Asan ba si Grant?"

"Nasa banyo nagpapalit, bilis na lika na!" 

Napatayo tuloy si Shin.

"Babalik ako, tulungan ko lang ang mga kumag."

"Sige..." nakangiting pagpayag niya.

Nagpicture-picture lang muna siya sa paligid. Si Jerra at Nancy ay panay ang langoy. Natutuwa naman siya at mukhang nawala na ang pagka-ampalaya ni Jerra.

After several shots ay nagvideo siya. 

"Jerra! Nancy!" tawag niya sa dalawa.

Kumaway naman ang dalawa nang mapansing nakatutok sa mga ito ang phone.

Iginiya niya ang cellphone sa magandang paligid. Izinoom pa niya para mas kuha ang magagandang halamang nakapalibot.

"Ay kabag!" muntik na niyang mabitawan ang phone dahil nang itutok niya phone sa harap niya ay may nakaupo na pala sa tapat niya.

Si Grant Tyler na hindi niya namalayan ang pagdating. Nakaboard shorts na ito at black shirt na may tatak na batman.

Kuhang-kuha ng screen ng phone niya ang gwapong mukha nito dahil naka zoom in pa nga iyon. Pinindot niya ang stop button.

"Do I look like a bat?" kunot noong tanong nito.

Napalunok siya. Naiintimidate siya sa awra nitong seryoso.

"Ah sorry nagulat lang ako."

Naupo ito sa harap niya at kinalikot ang cellphone.

"Ahm...gusto mo," alok niya nang nahagip na pringles dahil nao-awkward siya sa katahimikan between them.

Bahagya lang itong nagtaas ng tingin saka umiling.

Nagkabit din ito ng airpods sa tainga. Halatang hindi interesadong makipag-interact sa kanya.

Ang suplado naman pala talaga nito, sa loob-loob niya.

Tumayo na lang siya at iniwan ito. Lumapit siya sa gilid ng pool at inilubog ang mga paa.

"Maligo ka na kasi!" ani Nancy nang makita siya.

"Mamaya na!" halos tili niya dahil sinabuyan siya nito.

"Halika na!" hinila na siya ni Jerra at pati si Nancy ay hinila rin ang kabilang kamay niya.

Nalaglag tuloy siya sa swimming pool.

"Kulit niyo talaga!" nakipagsabuyan siya sa dalawa.

"Uy! Nagsuswimming na sila!" ani Alexis na buhat ang videoke at kausong nito si Shin. Si Clark ay bitbit ang ihawan.

Nagulat sila nang tumalon si Clark matapos ilapag ang ihawan.

Nakipagkulitan ang cute na lalaki sa kanila.

Hindi rin nakatiis ang dalawa ni Alexis at Shin dahil tumalon din ang mga ito.

Lumangoy palapit sa kanya si Shin.

"Dun tayo sa malalim," nakangiting yakag nito at hinawakan ang braso niya.

"Ha? Teka hindi ako magaling lumangoy!" kabadong aniya dahil mahigit 6ft ang swimming pool na iyon.

"Akong bahala..."

Wala siyang nagawa kundi mapasunod dito. Pero nang hindi na maabot ng mga paa niya ang flooring ay nataranta na siya.

"Shin wait! Hindi talaga ako marunong lumangoy!" napakapit siya sa balikat nito.

Humarap ito at kinuha ang dalawang kamay niya. Iniyakap nito ang mga iyon sa leeg nito.

Magkaharapan sila ng gwapong mukha nito kaya ang lakas ng rigodon ng puso niya.

"Relax... " malambing na sabi nito at hinapit pa siya sa baywang.

"Uyyyy!" narinig niyang tuksuhan sa di kalayuan, nakatutok na pala sa kanila ang atensiyon ng mga kasama.

Buong araw lang silang lumangoy, kumain at kumanta. 

Mas masaya siya dahil hindi tinopak si Jerra. Mukhang tanggap na nitong siya talaga ang gusto ni Shin.

"Huy Grant, ikaw naman ang kumanta. Baka mapanisan ka na ng laway diyan!" kantiyaw ni Clark dito at ibinigay ang microphone.

Tinanggap naman iyon ng lalaki.

"Ano'ng song?" tanong ni Nancy.

"My way..."

"Hoy! Walangya ka, gusto mo bang mabaril tayo dito?" reklamo ni Shin kaya tawanan ang grupo.

Ewan nga ba naman nila kung bakit may nababaril kapag kinakanta iyon.

Akala niya napaka KJ na tao ni Grant pero kalaunan ay nakijoin na rin ito sa kanila. Pero mas madalas nga lang na nakikitawa lang ito kaysa nakikipag-usap. Nakikanta rin. At maganda rin ang tinig nito. Swabe lang at masarap din sa tainga.

Nang sumapit ang gabi ay nagkayayaang mag-inuman.

"Hindi ako pwede baka maamoy ako ng Lola," aniya sa mga kasama.

"Ay bawal ang hindi tatagay, mamamatay!" biro ni Nancy.

"Grabe ka!" palatak niya.

Sa kanilang tatlo ay si Nancy ang medyo daring. Dito sila nakatikim ni Jerra na uminom.

May dalang alak si Alexis na ipinuslit pa nito sa bar na pagmamay-ari ng pamilya nito.

Wala siyang nagawa kundi makiinom. Nagtext na lang siya sa Lola niya na hindi makakauwi dahil hindi pa tapos ang project nila. Bahala na kung masabon siya nito bukas ng umaga.

Napasapo siya sa noo matapos ang ikalawang shot niya.

"Okay ka lang?" bulong ni Shin na nasa tabi niya. Napahagikhik siya dahil nakiliti siya sa mainit na hulab ng hininga nito. 

"Yep. O ikaw na Clark!" ipinasa niya dito ang baso.

Habang lumalalim ang gabi ay mas nagiging makulit ang grupo. Napatingin siya kay Grant na tulog nasa isang sulok ng cottage.

"Hina talaga kahit kailan ni Grant!" halakhak ni Alexis.

Siya man ay nahihilo na rin.

"O ako na, hindi na kaya ni Marion 'yan." agaw ni Shin sa baso.

"Ay sana all may taga-salo," hirit ni Jerra na namumungay na ang mga mata sa kalasingan.

"Eh di kung gusto mo ako," hirit ni Alexis kaya pinagtuksuhan nila ang mga ito.

Nang makaramdam na hindi na talaga siya makakatayo ng ayos ay nagpaalam na siyang matutulog na.

Tumayo siya at inalalayan kaagad ni Shin.

Nagrent sila ng cottage na hindi open air. Natural ay bukod ang boys sa girls.

"CR muna ko," aniyang halos papikit-pikit na.

Hapit siya nito sa baywang. At hindi na rin niya alintana kung gaano man sila kalapit ngayon. Pakiramdam niya rin kasi ay matutumba siya kung ilalayo niya ang katawan dito.

"Shin hindi naman dito ang CR?" aniya dahil madilim ang daang tinatahak nila. Patungo na iyon sa likurang bahagi ng resort.

Hindi ito sumagot. Namalayan na lang niyang isinandal siya nito sa isang puno ng niyog.

"Marion, do you want to kiss?"

"Ha?" gulat na tanong niya. Hindi na ito sumagot bagkus ay hinawakan nito ang mukha niya at hinalikan na siya sa labi.

Napamulagat siya. Iyon ang una niyang halik at hindi niya alam kung paano ang gagawin? Pero sigurado siyang hindi naman siya tutol.

"Gayahin mo lang ako," anas nito nang hindi siya tumutugon. 

Kahit kinakabahan ay parang hibang na sinunod niya ang sinabi nito. Iginalaw niya ang labi. Ginaya ang ginagawa nito. Mainit ang mga labi ni Shin. At lasang alak kaya pakiramdam niya lalo siyang nalasing. Magaan lang sa simula ang halik nito pero kalaunan ay naging mapusok. Nararamdman na niya ang naglulumikot nitong dila sa loob ng bibig niya.

"Uhhhmmm...." isang ungol ang kumawala sa mga labi niya nang tudyuhin ng dila nito ang dila niya.

Kinuha nito ang kanang kamay niya. Inihaplos sa dibdib nito. Naalarma siya nang ibaba pa nito ang kamay sa harapan ng shorts nito. Napapitlag siya nang ipahawak nito ang namumukol na harapan sa kanya.

Naitulak niya ito nang maalala ang Lola niya.

"Marion!" tawag nito nang manakbo siya palayo kahit pa pasuray-suray.

Nagkulong na siya sa cottage at nakita niyang nandoon na sina Jerra at Nancy na pawang mga lasing na walang malay sa ibabaw ng kama.

Sapo niya ang dibdib na inilock ang pintuan. Jusko! Ano ba iyong ginawa nila? Makukurot siya sa singit ng Lola niya kapag nalaman nito kung anumang pinaggagawa niya.