CHAPTER 23

"Mommy, bakit hindi natawag si Papa?" inosenteng usisa ng anak ko.

Kadarating niya lang at iyon agad ang itinanong niya sa akin sandaling umupo siya sa couch. Nandito kami ngayon sa silid ng pahingahan naming mga housekeeper.

Hilaw akong ngumiti at saka inisa-isang tanggalin ang butones ng suot niyang uniporme. "Baka busy lang, anak," paliwanag ko.

Ayaw kong ipakita sa kanya na maski ako ay naguguluhan na rin. It's been four days since Chaos left. Huling pag-uusap namin ay noong sinabi niya na ipahahatid niya si Erom sa akin. Natanong ko rin ang driver na sumusundo palagi sa anak ko kung nakakausap niya si Chaos pero pati siya ay hindi nito tinatawagan. Ang huli raw nilang pag-uusap ay ang pag-uutos ni Chaos na 'wag kakalimutan ang pagsundo sa anak ko.

Katatapos ko lang bihisan ng kumportableng damit si Erom nang mag-ingay ang telepono ko. Napabuntonghininga na lamang ako nang nakita ang pangalan ni Valjerome sa screen.

Apat na araw na rin mula