Chapter 2

RAMDAM na ramdam ko ang pamumugto ng aking mga mata dahil sa pag-iyak ng walang tigil simula pa kagabi. Hindi ko alam kung paano ko nagawang umuwi sa condo ko. Parang biglang nagdilim ang mundo ko ng wala sa oras dahil sa nangyari.

Pagmulat ng mga mata ko ay muli na namang nag-init ang sulok nito. Parang walang kapaguran ang aking mga mata sa pag-iyak, sobrang sakit. Sobrang hirap tanggapin na bigla na lang akong iniwan ni Matt. napakahirap tanggapin, siguro ay maiintindihan ko naman siya kung sasabihin niya sa akin ang dahilan pero ang mapagod siya? Sapat ba iyon na maging dahilan niya?

Wala akong ibang ginawa kundi ang maging perpektong girlfriend sa kaniya. Isa lang naman ang hindi ko naibigay sa kaniya, iyon ay ang sarili ko. Pero kung iyon lang pala ang hinihingi niya ay handa ko itong ibigay sa kaniya bumalik lang ang pagmamahal niya sa akin.

Handa na sana akong bumangon ngunit parang walang lakas ang katawan ko. Ni hindi ko maitaas ang aking mga kamay, marahil dahil na rin sa matinding pag-iyak simula kagabi. Sinubukan kong ipikit ang aking mga mata at sa sumunod na segundo ay bigla na lang akong hinila ng antok.

Nang muli kong idilat ang aking mga mata ay madilim na. Hindi na ako nagdalawang isip pa, kaagad akong bumangon mula sa kama at naligo. Kailangan kong puntahan si Matt. kailangan naming mag-usap na dalawa. Tyaka kung ang solusyon ng pakikipag-ayos niya sa akin ay ang katawan ko, handa ko itong ibigay sa kaniya. Handa ko ng ialay sa kaniya ang kaluluwa at katawan ko para hindi lang siya mawala, ganun na ako ka-desperada. Mahal na mahal ko siya at hindi ako mabubuhay ng wala siya.

~~~

PAGKATAPOS kong maligo ay agad akong nagbihis ng sexy na damit. Yung alam kong magagandahan siya sa akin kapag nakita niya ako at maaakit siya kaagad. Alam kong mahina lang siya sa mga babaeng sexy, palagi ko siyang nahuhuli na nakatingin sa mga babaeng sexy na manamit at palagi din itong nanunuod ng mga babaeng sumasayaw na halos wala ng takip ang katawan kaya alam kong hindi ako mahihirapan para akitin siya.

Nang makita kong ayos na ang itsura ko ay dali-dali na akong lumabas ng aking condo dala ang aking bag.

HALOS tatlumpung minuto din ang itinagal bago ako makarating sa condo ni Matt. ilang beses na akong nakapunta doon kaya alam ko na kung saan ito. Palagi niya akong dinadala doon kapag may free time siya dahil palagi kaming nanunuod ng movie na dalawa.

Pagdating ko sa pinto ng kanyang condo ay kaagad kong pinindot ang passcode at mabuti na lang dahil hindi pa rin pala siya nagpapalit. Umaasa ako na sana ay nasa loob siya kahit na hindi ko sigurado. Pagbukas ko ng pinto ay agad kong narinig ang tunong tv at ang tawa nito. 

Halos itulos ako sa aking kinatatayuan nang marinig ko ang isang tawa ng babae. Agad na nanlamig ang katawan ko. Para akong binuhusan ng malamig na tubig ng wala sa oras. Sa sumunod na segundo ay narinig ko ang sinabi nito. “Talaga? Nagmakaawa siya sa harap mo na parang tanga?” tumatawang tanong nito kay Matt.

Humakbang ako ng walang ingay at naglakad patungo sa sala. Nakatalikod sila sa akin kaya hindi nila ako napansin at mukhang kanina pa sila nagsasaya dahil napakarami ng bote ng alak ang nasa harapan nila.

Lumagok muna ng alak si Matt bago sumagot. “Kung nakita mo lang ang mukha niya. It was hilarious.” sagot nito at nagpipigil pa ng tawa.

Ang aking mga kamay ay awtomatikong napakuyom nang marinig ko ang sinabi niyang iyon. Parang hindi si Matt ang naririnig kong nagsasalita ng mga oras na iyon at para bang ibang tao.

“Kawawang Athy.” umiiling na sagot ng babae. Naningkit ang mga mata ko dahil para bang pamilyar sa akin ang boses nito. Saan ko na nga ba ito narinig?

Habang nag-iisip ay muli itong nagsalita. “Malamang na sobrang nasaktan siya sa bigla mong pag-iwan sa kaniya. Ikaw kasi e, pinatagal mo pa masyado. Sabi ko naman sayo na hiwalayan mo na siya noon pa.” dagdag pa nitong sabi.

“Alam mo naman na kinailangan kong pakisamahan siya ng ganun katagal diba para sa plano nating dalawa?” muling tanong nito sa katabi.

Sa pagkakataong iyon ay para akong binuhusan ng malamig na tubig nang marinig ko ang sinabi ni Matt. plano? Anong ibig nitong sabihin? Ibig bang sabihin ay nakaplano ang lahat ang pakikitungo niya sa akin ay peke lang lahat? Paano ang mga ipinakita niya? Peke lang ba maging ang mga iyon?

Para akong binagsakan ng napakalaking bato sa ulo nang mga oras na iyon. So, pinaikot niya lang pala ako at pinaniwala sa mga kasinungalingan niya? Ibig pa lang sabihin ay walang totoo sa kahit na isang ipinakita niya sa akin?

Napakagat-labi ako. Ang aking mga mata ay halos mamula sa magkahalong galit at sakit. Ang aking dibdib ay naging mabigat maging ang aking paghinga. Paano niya ako nagawang lokohin? Wala akong ginawa kundi ang magpakatotoo sa kaniya. Wala akong ginawa kundi ang mahalin siya. Paanong?

Biglang nag-side ang babae dahilan para makita ko ang kanyang mukha. Napatakip ako sa aking bibig nang makita ko kung sino ito. Walang iba kundi si Marga, ang pinsan ko na napakalapit sa akin. Halos sabay kaming lumaking dalawa kaya super close kami. Wala akong kapatid kaya siya lang ang palagi kong nakakalaro pero bakit? Paano niya nagawa sa akin ito?

Anong dahilan niya para gawin ito?

“Hmm, alam mo naman ang ikinakatakot ko diba? Baka ma-inlove ka sa kaniya ng tuluyan.” sabi nito at pagkatapos ay humilig sa balikat ni Matt.

Sumasakit na nga ang aking dibdib ay para pang tinutusok ang aking mga mata habang pinapanood sila. Ang dalawang taong pinagkatiwalaan ko ng sobra ay lihim pala akong niloloko sa likuran ko. Ang plano ko sanang pagmamakaawa kay Matt ay kinalimutan ko na. 

Mabigat ang aking mga paa na humakbang at tumalikod sa kanila. 

SAMANTALA, biglang napalingon si Marga sa likuran nang parang pakiramdam niya ay may taong nakatayo doon at pinapanood sila. Lumingon din naman si Matt sa likod at wala naman silang nakita. Nilingon siya nito. “May problema ba?” may bahid ng pag-aalalang tanong nito sa kaniya.

Bahagya siyang ngumiti rito. “Wala naman. Akala ko ay may tao.” sabi niya rito.

Agad naman na pumulot ng alak si Matt at pagkatapos ay lumagok muli ng alak. “Sino naman sana ang pupuntang tao rito?” kaswal na tanong nito sa kaniya.

Nagkibit balikat lang siya at pagkatapos ay inagaw ang hawak nitong bote bago siya tuluyang pumatong sa ibabaw nito. “Why don’t we celebrate today? Hmm?” malambing na tanong niya kay Matt at pagkatapos ay hinalikan na ito sa labi na agad naman itong tumugon.

…