KABANATA 12

ASHLEY

MABILIS niyang pinuntahan si Eya sa opisina ng Theme Park, naroon ito nakaupo at nakagapos ang dalawang kamay at paa. May pinong kirot na naramdaman niya sa dibdib nang makita ito sa ganoon kalagayan.

"Excuse me, Sir. Ako po ang kasama niya," aniya sabay turo kay Eya.

Lumingon naman sa kanya ang Manager at Officer in Charge ng mga Security Guard.

"Kaano-ano mo ba siya? Pwede ba namin malaman ang pangalan niya at saka pahingi ng ID niya," mariin sabi ng Officer in Charge.

Natameme siya. Wala siyang kahit anong ID ni Eya. Paano ba niya lulusutan ito?

"Kailangan kasi namin malaman ang panig niya tungkol sa nangyari sa teenager na tumalon mula sa Ferris Wheel Ride. Masyadong mabilis kasi ang pangyayari, nasalo niya ang teenager pero dahil sa lakas pa rin nang impact sa pagbagsak, tumama pa rin ang ulo ng teenager sa semento," paliwanag naman sa kanya ng Manager.

Dagli siyang napasulyap kay Eya. So, hi