Chapter 31

SIMPLENG pink t-shirt and jeans lang ang suot ni Allison. Sigurado naman siya na hindi party ang pupuntahan nila ni Greyson Chai. Batay na rin sa suot ng lalaki. Hinayaan niya lang na nakalugay ang mahaba at tuwid niyang buhok. Nag-apply lang siya ng manipis na pulbo at lip gloss at nag-spray na rin siya ng perfume. MATAPOS ng makuntento na siya sa itsura niya aylumabas na rin si Allison mula sa loob ng kwarto niya.

Hindi niya nakita si Greyson sa sala. Ngunit narinig niya ang ingay na nagmumula roon sa kusina. Hinakbang ni Allison ang kanyang mga paa patungo roon sa kusina. Naabutan niya si Greyson na gumagawa ng kape mula sa coffee maker.

Hindi siya agad pumasok ng kusina, nanatiling nakatayo lamang siya sa may pintuan habang pinapanood ang bawat kilos ni Greyson. Hindi niya mawari sa kanyang sarili kung bakit gustong-gusto niya na lang pagmasdan ang binata habang abala ito sa ginagawa.

“May gusto ka na kay Greyson,” anang isang bahagi ng kanyang isip.

“Huwag ka magpadala sa mga