Chapter 33

Nagising ako na masakit ang ulo ko. Gumulong-gulong muna ako sa kama para mawala ang sakit pero parang lalo tuloy akong nasasaktan. Bakit nagkaganito? Sumasakit naman minsan ang ulo ko pero hindi katulad ngayon na parang binibiyak yata ang utak ko.

Unti-unti ko ng dinilat ang mga mata at nakatitig sa kisame.May naalala ako. Uminom pala ako kagabi at hindi ko na alam kung ano ang nangyari. Basta ang natatandaan ko lang na nagkasagutan kami ni Cloud at nagtago ako sa cabinet pagpasok ko sa loob ng kwarto.

Hindi ko maalala kung kailan ako nagising at napunta sa kama. Inangat ko ang damit ko na kulay white at hindi ko rin maalala kung anong oras ako nagbihis at talagang nakapag bihis pa ako ng bagong damit. Siguro sa kalasingan ko kaya kung ano-ano na lang ang ginagawa ko at hindi ko maalala ang mga pinaggagawa ko.

"Gosh! Ayoko na talagang uminom pa. Ang sakit pala sa ulo…" Mabuti na lang at ako lang ang nakakaalam sa mga pinaggagawa ko kahit hindi ko naman talaga maalala kung ano pa