Kabanata 5 Ang Shirt Niya

Tahimik ang paglalakbay patungong Stansend Manor. Hindi nangahas si Jonathan na baguhin ang bilis ng takbo niya sa ganoon ka-tense na kapaligiran.

Hanggang sa huminto siya sa parking lot ay napabuntong-hininga siya. Bumaba siya ng sasakyan para pagbuksan sila ng pinto.

Hindi tulad ni Lucian, hindi gusto ni Calista ang pinagsisilbihan siya. Bubuksan na sana niya ang pinto, pero bigla itong nagtanong, "Mahilig ako sa mga walang utak pero may magandang katawan?"

Halos masamid si Calista. Nakalimutan niyang sinabi niya iyon.

Gusto lang niyang magsalita ng masama tungkol sa kanya. Sino ba talagang nakakaalam kung anong klaseng babae ang gusto niya?

Tumingin siya sa likod at napansin niya ang titig nito. Tumingin ito sa ibaba lamang ng kanyang collarbone. Hindi sigurado si Calista kung sinasadya ni Lucian.

May kung anong namumuo sa kanyang mga tingin, isa na itinuturing niyang panghahamak.

"Hindi ba gusto naman talaga ng mga lalaki ang malalaking boobs?" Baka 'yun ang dahilan kaya hindi siya naaakit kay Calista sa buong pagsasama nila.

Pero 'di rin naman gaanong pinagpala si Lily.

Kumunot ang noo ni Lucian. "Ako hindi."

Napangiti na lang si Calista.

May kabangisan ang kanyang kagandahan. At sa ngiting iyon, madali niyang mamabihag ang sinumang lalaki. Pero kahit ganoon ay tinitigan lang siya ni Lucian nang walang pakialam.

"Wala naman akong pake sa preference mo, pero kung ako lang, gusto ko ng malaki at mahaba," sabi niya. "Iyon talaga ang dahilan kung bakit kita hihiwalayan."

Halos bumagsak ang mukha niya. Nagyeyelo ang kapaligiran sa loob ng sasakyan.

Hinihintay sila ni Jonathan sa labas. Hindi maganda ang soundproofing sa kotse, at naririnig niya ang usapan nang malakas at malinaw.

Namuo ang malamig na pawis sa kanyang noo. Napansin niyang galit si Lucian kaya pinilit niyang buksan ang pinto. "Mr. Northwood, Madam Calista, nakarating na po tayo."

Naunang lumabas ng sasakyan si Calista. Sabay lakad ni Selena palabas ng bahay na may matamis na ngiti.

Hinawakan niya ang kamay ni Calista at pinapasok siya sa loob. "Callie, sinabihan ko si Macy na gumawa ng tomato soup. Maganda 'yun sa balat mo."

Nasa sasakyan pa rin si Lucian, nakalimutan na siya ng mga babae.

Nang nasa loob na ng bahay ay hininaan ni Selena ang boses. "Binubully ka ba ng brat na 'yon?"

Nakita ni Selena ang balita kahapon. Nag-aalala siyang baka magalit si Calista, kaya niyaya niya silang matulog sa Stansend Manor.

"Mom, mag—"

Gustong sabihin ni Calista sa kanya ang tungkol sa divorce. Pero hindi na siya pinagsalita ni Selena, "Sabihin mo lang kung binubully ka niya. Sasabihan kong turuan siya ng leksyon ng Dad niya. Kailangan mong ipagtanggol ang sarili mo ha

"Bibigyan kita ng listahan ng pagkain na di niya gusto. 'Yun and orderin mo para sa kanya mula bukas. Sinabi ko na rin kay David na huwag maghanda ng pagkain para kay Lucian, kung hindi, tatanggalin ko siya."

Wala siyang binanggit na salita tungkol kay Lily para maiwasang magalit si Calista.

Maya maya ay dumating si Macy na may dalang shawl. "Madam Selena, bakit hindi ka nagsuot ng shawl? Madam Calista, sabihan niyo nga po si madam na alagaan ang sarili niya. Palagi po siyang ganyan."

"Mom, okay na ba ang pakiramdam mo? Tumawag ka ba ng doktor?" tanong ni Calista. Wala na siyang pagkakataon na banggitin ang hiwalayan nila.

Ikinaway ni Selena ang kanyang kamay. "It's the same old thing. Gagaling din ako. Di natin kailangang tumawag ng doktor nang disoras ng gabi."

Totoo naman, gabi na. Sinamahan ni Selena si Calista hanggang sa maubos niya ang tomato soup. Pagkatapos subukan ni Selena ang bracelet, umakyat siya sa taas para matulog.

Bago umakyat, sinamaan niya ng tingin si Lucian. "Kung hindi mo papabutihin ang pakiramdam ni Calista ngayong gabi, sinasabi ko sa'yo, katapusan mo na!"

Hindi nakaimik si Lucian. Hindi na siya kumibo mula nang dumating sila pero may sinasabi pa rin ang nanay niya.

Ang kwarto nila Lucian at Calista ay matatagpuan sa ikalawang palapag. Dahil alam niyang babalik ang mag-asawa, pinalitan muna ni Macy ang bedsheets.

Gustong maligo ni Calista. Kukunin na sana niya ang kanyang pajama, pero nang buksan niya ang wardrobe ay wala na ito.

Sa halip, iba't ibang mga revealing at puro lace na pantulog ang meron. Dalawang set pa nga dun ay mukhang para sa role-play.

Alam ng lahat sa manor na gusto ni Selena na magkaroon ng apo. Naghanda siya ng isang baby room pagkatapos na ikasal sina Lucian at Calista. Nakatago sa kwarto ang mga laruan at damit para sa isang sanggol na lalaki at isang sanggol na babae.

Inihanda ni Selena ang mga pantulog at mga costume pang role-play para sa kanila. Lahat para matupad ang kanyang hiling.

Naawa si Calista kay Selena. Kung alam lang ng kanyang biyenan na wala silang sex life ni Lucian, baka itakwil niya ang anak niya.

Tumingin si Calista kay Lucian.

Walang interes na sinulyapan ni Lucian ang mga damit. Pagkatapos, tinignan niya si Calista mula ulo hanggang paa at sinabing, "Hindi naman bagay sa'yo."

Walang naisagot si Calista sa komento.

Nang maabot niya ang pinakahindi gaanong revealing na damit pantulog, ibinato ni Lucian sa kanya ang shirt nito. "Isuot mo 'to."

Dahil sa tangkad niya, hanggang tuhod ni Calista ang damit. Mas mabuti na 'to kaysa sa mga kakaibang nightgowns na nasa damitan. Malamig niyang tinanggap iyon at dumiretso sa banyo.

Ayon sa batas, pag-aari niya ang kalahati ng kanyang mga ari-arian. Kaya, makatuwirang sabihin na sa kanya din ang shirt na 'yun.

Pagkatapos magpatuyo ng buhok ay lumabas si Calisa sa banyo. Si Lucian ay naninigarilyo sa balkonahe. Natakpan ng kaunting usok ang kanyang mukha, na nagpapalambot sa kanyang itsura.

Iniisip niya kung nag-iimagine ba siya ng mga bagay, pero napansin niya ang panandaliang pagbabago sa mga mata nito nang tumingin ito sa kanya.

Pinatay niya ang baga ng sigarilyo at nilampasan si Calista para pumasok sa banyo. Sanay na sanay si Calista sa ugali nito kaya naman namamanhid na siya sa halip na madismaya.

Hindi nagtagal, kumatok si Macy sa pinto. May dala siyang mangkok ng soup.

"Madam Calista, si Madam Selena ang personal na gumawa nito para kay Mr. Northwood. Siguraduhin mong tatapusin niya ang bawat patak nito para hindi masayang ang effort ni madam.

"Napaso pa nga siya kakaluto ng soup na 'to. Kahit di sila gaanong nag-uusap mahalaga pa rin si Mr. Northwood kay madam. Nag-aalala siya na hindi pa nakakain ng maayos ang anak niya kaya pinadala niya 'to sa'kin."

"Sige." Naiintindihan naman ni Calista ang pag-aalala ni Selena. Kung tutuusin, anak niya si Lucian.

Ilang sandali pa ay natapos na si Lucian sa pagligo. Paglabas niya ng banyo, napansin niya ang mangkok ng soup sa mesa.

"Ginawa daw yan ni Mom. Ubusin mo," sabi ni Calista.

Sinulyapan ito ni Lucian ng walang salita, walang balak na higupin ang sabaw.

Naalala ni Calista ang mga sinabi ni Macy at kung paanong hindi kinain ni Lucian ang kanyang pagkain. Nairita siya sa lalaki. "Lucian Northwood, napaso pa si Mom para lang gawin itong soup para sa iyo. Gusto mo ba talaga siyang ma-disappoint?"

Iba ang pagkakaintindi niya sa mga salita ni Calista. Pagkatapos, hindi maipaliwanag ang ngiti nito sa babae. "Sigurado ka bang gusto mong inumin ko 'to?"