Chapter 54

Nakita ng kanyang dalawang mata kung paano sinaktan ni Don Alfonso si Doña Isabel. Pinagsasampal nito ang Asawa at pinagsusuntok. Dumudugo na ang labi nito at ang sugat sa ulo. Gustong gusto niyang balikan si Doña Isabel pero nang maalala niya ang huling sinabi nito ay nagmamadali niyang tinawagan ang numerong ibinigay sa kanya ng ginang kanina bago siya umalis.

Walang pag-aatubiling tinawagan niya ang numerong iyon pero laking gulat niya nang marinig ang boses ng may -ari ng numerong iyon.

"Hello?" sabi ng nasa kabilang linya subalit hindi siya sumagot at nanatili lamang nakiramdam sa telepono kung tama ba ang hinala niyang si Don Rafael nga ba ang nasa kabilang linya.

Kung tama ang hinala niya ibig sabihin matagal ng nag-uusap si Don Rafael at Doña Isabel.

"Hello, sino 'to?" tawag ulit ng nasa kabilang linya subalit nanatili paring tikom ang bibig niya dahil nga sa batuklasan niya kanina.

"Hello? Inuulit ko sino ka ba?" tawag ulit ng nasa kabilang linya. Halatang naiinip na ang may