CHAPTER 6

Hindi mapakali si Olivia sa kanyang silid dahil kanina pa niya tinatawagan ang cellphone ni Zach pero hindi parin ito sinasagot ng binata. Kinakabahan na talaga siya at hindi alam kung paano haharapin ang galit nito.

Hindi naman niya niloloko ang binata dahil ilang ulit na niyang itinanggi noon na hindi siya si Silvia pero ayaw parin nitong maniwala. Ang mali lang ay sinamantala niya ang pagkakataong iyon at ginampanan ang papel bilang si Silvia. Hindi rin kasi niya naisip kung ano ang maaaring kalalabasan sa huli dahil ang akala niya ay hindi siya magtatagal sa Pilipinas.

Ano ba kasing kagaguhan ang nagawa mo Olivia!

Napahilamos siya sa kanyang mukha!

Gusto niyang umiyak dahil naiisip pa lang niya ang galit ni Zach sa kanya ay nasasaktan na siya. Alam niyang hindi lang special ang nararamdaman niya sa binata dahil sa isang buwang nakasama niya ito sa Isla ay hindi niya maikakailang attracted na talaga siya sa binata.

Mahal na nga niya eh.

Napapikit siya nang makita ang pangalang tumatawag sa kanya.

It's her Dad!

"Dad," mahinang tawag niya sa ama.

"Nasaan ka ba talaga anak? I thought kasama mo ang pinsan mo pero mag-isa ka lang pala."

"Papauwi narin ako riyan Dad may inaayos lang ako," paanas na sagot niya sa ama. Medyo gumaralgal ang boses niya kaya napansin agad iyon ng Daddy niya.

"May problema ka ba?" takang tanong nito sa kanya.

"Kaya ko na po ito Dad."

"I know you are not okay. Kilala kita Olivia kung ano man ang problema mo you can share it with me huwag mong ipagdamot. Well tumawag lang naman ako para kumustahin ka at ipaalala ulit sa'yo na sa makalawa na ang alis natin. Kinakailangan ka na sa trabaho kaya kung ano man ang problema mo rito kailangang ayusin mo na iyan," seryusong saad ng ama niya.

Napangiti siya sa huling tinuran nito.

" Okay.See you soon,Dad."

Nakakailang baso na siya ng kape subalit wala paring anino ni Zach nangako pa ito kanina na uuwi ito at babalikan siya subalit mag-aalas nuwebe na ng gabi ay wala parin ito.

Ano kayang nangyari sa kanya?

Hindi kaya nagkita na sila ni Silvia at nalaman na nitong peke siya?

"Oh, iha? Okay ka lang ba? Kanina pa kasi kita napapansin na parang wala sa sarili mo kaya napagpasiyahan kong akyatin ka rito sa silid mo."May pag-aalalang tanong sa kanya ng mayordoma. Nginitian niya lamang ang matanda at sininyasang okay lang siya. Ayaw pa sana siya nitong iwan sa kanyang silid subalit kailangan na nitong magpahinga.

"Magpahinga na po kayo hinintay ko lang po si Zach."

Tinignan siya ng matanda at napatango na rin ito bilang pagsang-ayon. "Oh sige aalis na ako at ikaw na ang bahalA sa kanya huh?"

Tinanguan niya ito.

"Ahh, siyanga pala iha, kung may problema kayo ng alaga ko sana ay pag-usapan ninyo ito para narin maging maayos na ang lahat."

Nang pumatak ang alas diyes ay nakaramdam ng gutom ang dalaga kaya dahan-dahan siyang pumanaog at nagtungo sa kusina. Gumawa siya ng eggsandwich at fresh juice. Saglit niyang tinignan ang labas kung dumating na ba ang kotse ni Zach subalit wala parin ito. Tinawagan niya ito ulit pero ring lang ito ng ring.

Wala paring sumasagot.

Nanghihina siyang umupo sa sofa at binuksan ang TV. Agad niyang nabitiwan ang iniinom niyang fresh juice nang makita ang laman ng balita. Nakita niyang seryusong naglalakad si Zach papasok sa loob ng isang exclusive hotel habang kasama ang isang napakagandang babae na walang iba kundi si Silvia.

INIS na tinanggal ni Zach ang kamay ni Silvia na nakakapit sa kanyang siko. Hindi niya alam kung paano ito pakitunguhan nang maayos ang dalaga pagkatapos ng mga ginawa nitong pagpapahiya sa kanya.

"What's wrong Zach? Hindi ka ba masaya sa gabing ito? Kasi ako sobrang saya ko dahil sa wakas matutupad na rin natin ang hiling nina mommy at daddy. It will keep our business name's strong," magiliw na sabi nito sa kanya.

Pinagmasdan niya ang napakaamo nitong mukha. How could she be so gorgeous?

So perfect and intelligent pero kahit saang banda hindi ko parin siya magustuhan. Ibang iba parin ang nararamdaman niya sa tuwing nakakasama niya si—"

"Bro, congrats!" magilaw na bati sa kanya Luther na agad naman niya itong sinuntok sa tagiliran. Naiinis siya sa gagong ito dahil imbis na tulungan siyang sirain ang party na ito ay chini-cheer up naman siya ng mokong.

"Gago ka ba?" inis na tulak niya sa kaibigan.

"Relax ka nga diyan alangan naman ipahalata ko sa lahat na may masamang binabalak ang groom dito? Ayaw mo naman siguro mabolilyaso ni Silvia diba?" saad nito na may himig pang pananakot.

"Pare, condolence! Ay! Este congrats pala," sigaw naman ni Peter habang tumatawa na agad naman niyang sinagot ng mahinang suntok sa balikat.

"Siyanga pala kumusta iyong pinalakad mo kanina may balita na ba?" tanong naman ni Lukas na kararating lang.

" Pwede bang kunting katahimikan naman masyado kayong halata," sermon niya sa mga ito na kinindatan lamang siya na mas lalong nagpainis sa kanya.

"Pare mahirap kunan ng impormasyon ang pinalakad mo sa akin masyadong pribado. May nakuha naman akong impormasyon pero detalyado lamang. Nakaptataka nga eh dahil hindi ko siya makita sa system para bang binablock lahat na mga information na patungkol sa kanya na kadalasang ginagawa ng mga hindi civilian," naguguluhang sabi sa kanya ni Kevin.

Ito kasi ang inatasan niyang mangalap ng impormasyon patungkol sa dalaga. Isang private investigator si Kevin kaya sa kanya niya ipinagkatiwala ang gawaing iyon dahil alam naman niyang maaasahan ang kaibigan.

Isang brown envelope ang iniabot sa kanya ni Kevin at gaya nga nangsabi nito ay detalyado lamang ang laman niyon maliban na lamang sa isang litrato na nagpapatunay na hindi ito basta-bastang tao.

OLIVIA RUE GOMEZ CLEMENTINE

Born on February 14, 1997

San Francisco, California U.S.A

Profession: Criminal Justice

Public Defender

May mga larawan pa ang dalaga kung saan ay nasa training camp pa ito.

May mga kuhang larawan din ito sa loob ng isang supreme court.

Walang nakalagay na ibang pamilya maliban sa pangalang Alfonso. Wala ring naka indicate na may lahi siyang foreign blood at halos lahat ng mga larawan ng dalaga ay galing sa ibang bansa na ibig sabihin ay hindi ito nakatira sa Pilipinas.

Pero bakit sila magkamukha ni Silvia?

Sino ka ba talaga Olivia?

Mga katanungang hindi alam ni Zachariah kung paano masasagot.

ISANG masigabong palakpakan ang iginawad ng mga tao nang ipakilala ni Donya Isabel ang anak at ang magiging future groom nito. Marami ang natuwa at na amaze sa kagandahan ng dalaga lalo na at mahusay rin ito pagdating sa negosyo. Nang akmang tatawagin ng MC ang reperensent nang biglang dumilim ang paligid.

Kasabay nang pagdilim at pagkawala ng kuryente ay ganoon din ang pagkawala ng anino ni Zachariah.

Nagmamadaling tumakas si Zach sa party papuntang Tagaytay para makausap ang dalaga. Marami siyang gusto itanong dito. Marami siyang gustong malaman tungkol sa pagkatao nito subalit walang Olivia na naabutan ni Zach sa loob ng silid nito kundi isang papel na nakatupi na nakapatong sa kama nito.

Dear Zach,

I'm sorry kung nilihim ko ang totoong pagkatao ko sa'yo dahil alam ko namang hindi mo parin ako paniniwalaan. Nakita ko kayong dalawa ni Silvia na masayang magkasama magkahawak-kamay sobrang ganda pala niya ano? Tama siya kayo talaga ang totoong bagay at hindi ang isang hamak na katulad ko. Gusto ko ring magpasalamat sa lahat ng mga kabutihang ginawa mo sa akin. Salamat sa maikling pagkakataon na nagkasama tayo hinding hindi ko iyon makakalimutan. Makakaasa kang hindi ko kayo gagambalahin ni Silvia.

Sincerely yours,

Olivia

"PARE, anong meron? Napaaga ata ang celebration mo sa kasal mo ah? For Groom na ba ito?" kantiyaw sa kanya ni Baroon.

Hindi niya siya sumagot at suminyas pa sa bartender ng isang boteng alak.

Napapailing na tinignan siya ng kaibigan.

"Mukhang matindi ata ang problema mo dahil nagpapakalunod ka talaga sa alak. Sabihin mo nga sa amin ano ba kasing nangyari?" tanong naman ni Luther sa kanya na inagawan pa siya ng alak.

Tinignan niya ito ng masama at pilit na inaagaw ang bote ng alak.

"Iniwan na niya ako," mahinang saad niya.

"Hindi man lang niya ako hinintay alam niya bang napakalaki ng atrasyo niya sa akin? Niloko niya ako! Ginawa niya akong tanga! Pinaniwala niya ako at sinamantala niya ang pagkakataong pagkilala ko sa kanya bilang si Silvia. Napakataas ng panahon at oras pero hindi man lang niya sinabi sa akin ang totoo na nagpapanggap lang siya, na hindi siya si Silvia," mahabang litanya niya.

Tinapik naman siya sa balikat ni Peter." Naiintindihan ka namin pare pero sana naman bago no husgahan si Olivia eh, sana'y naisip mo na hindi siya ang pumasok sa buhay mo kundi ikaw. Ikaw ang nagpasok sa kanya sa magulong sitwasyon na ito."

Natahimik siya sa sinabing iyon ni Peter .

Tama naman kasi ito hindi niya masisisi si Olivia kung bakit nagawa nitong magpanggap noon bilang si Silvia. Siguro napilitan lang ito noon dahil ilang ulit din siya nito kinulit at kinumporta na hindi siya si Silvia ay hindi niya ito pinakinggan.

Tama si Peter siya ang nagpasok sa dalaga sa magulong sitwasyon na ito.

"May magagawa pa ba ako? Nakaplano na ang lahat para sa amin ni Silvia. Hindi ko alam kung ano ba ang dapat kung gawin. Hindi ko pwedeng biguin si Dad at ang pamilya ni Silvia Lalo pa at nakasalalay sa akin ang pangalan ng Kompanya."

"Pare, hindi pa huli ang lahat may panahon pa para makapag plano ka," seryusong komento naman ni Kevin sa kanya.

Tinapik naman siya sa balikat ni Peter." Naiintindihan ka namin pare pero sana naman bago no husgahan si Olivia eh, sana'y naisip mo na hindi siya ang pumasok sa buhay mo kundi ikaw. Ikaw ang nagpasok sa kanya sa magulong sitwasyon na ito."

Natahimik siya sa sinabing iyon ni Peter .

Tama naman kasi ito hindi niya masisisi si Olivia kung bakit nagawa nitong magpanggap noon bilang si Silvia. Siguro napilitan lang ito noon dahil ilang ulit din siya nito kinulit at kinumporta na hindi siya si Silvia ay hindi niya ito pinakinggan.

Tama si Peter siya ang nagpasok sa dalaga sa magulong sitwasyon na ito.

"May magagawa pa ba ako? Nakaplano na ang lahat para sa amin ni Silvia. Hindi ko alam kung ano ba ang dapat kung gawin. Hindi ko pwedeng biguin si Dad at ang pamilya ni Silvia Lalo pa at nakasalalay sa akin ang pangalan ng Kompanya."

"Pare, hindi pa huli ang lahat may panahon pa para makapag plano ka," seryusong komento naman ni Kevin sa kanya.

"Siyanga pala may nakakita sa kanya sa Batangas." Pagbibigay impormasyon sa kanya ni Luther. "Hindi ko alam kung anong namamagitan sa Inyong dalawa ni Olivia pare, pero baka makatulong ito sa'yo. Kausapin mo si Olivia at ayusin mo iyong dapat ninyong ayusin at saka mo na problemahin si Silvia narinig ko kasi mula kay Ellise aalis na siya papuntang California sa makalawa."

Hindi na niya agad pinatapos si Luther at nagmamadali niyang pinaandar ang kotse. Hindi na niya pinakinggan ang mga tumatawag sa kanya ang nasa isip lang niya sa mga sandaling iyon ay muling makausap at makita ang dalaga.