Chapter 5: She’s Important to them

Huminto sa pagnguya si Hazel, kinuha ang tissue at niluwa doon ang bubble gum. “Mas pinaniwalan niyo siya kesa sa akin maski na sabihin niyang kinamumuhian niya ako. Kung mas mahalaga siya sa inyo, bakit nagsayang pa kayo ng effort para mahanap ako? Hindi ko kayo kailangan sa buhay ko kaya iba-block ko na kayo!”

“Hazel Xaviera! Pwede ba rumispeto ka naman? Tigilan mong magalit tuwing pinag-uusapan ulit natin ito!” Nasa tono na ang galit.

Pabalik-balik na parang sirang plaka ang topic na ito at napupuno na siya sa iritasyon.

“Pinalalampas kita dati, pero iba na ngayon. May malubhang karamdaman si Amelia. Maniwala ka!”

“Ano ba’ng kinalaman doon sa pagpo-postpone ng kasal namin ni Dominic sa sakit niya?! Tapos mandatory ba talaga na palagi nasa tabi nito ang fiancée ko?” singhal niya.

Kahit na wala siyang paki sa kanyang nobyo ay di niya maitago ang matinding galit. Kaso di niya magawa maging sarkastiko sa magandang asal ng mga taong umiikot sa kanya.

“Natural na ganoon ang turing ni Dominic sa kanya dahil kasabay silang lumaki at masyadong independent si Amelia sa kababata niya.” Mas lalo itong nagalit pero biglang pinaklama ang sarili. “H’wag kang mag-aalala kasi ikaw pa rin ang pakakasalan niya sa huli. Pwede bang magpokus muna tayo sa sakit ni Amelia?”

Talagang sinusubukan ng mga ito ang pasensiya niya. Hindi lang nitong tinuring na baby ang pekeng anak, gusto rin na pigilan siya at maging sunod-sunuran sa mga ito.

Bwesit!

Nagsalita ulit si Claudia nang di siya umimik. “Naiintidihan mo ba ako?”

Uh-ha, ang lakas naman ng apog nito para i-brainwash siya at sundin ito. Bumuga siya ng hangin, nababagot na siyang pakinggan ito kaya pinatay niya ang tawag at pinindot ang ‘block’. Matagal na niyang b-in-lock ito, mahaba na nga ang listahan ng blocklist niya pero patuloy pa rin sa pagpalit ng sim para bwesitin siya.

….

Arya Residence Tower, BGC

Saktong pag-apak niya sa lobby ng condominium ay agad niyang nakita si Charlotte Romano. Nakaupo ito sa sofa ng lobby, inaabala ang sarili sa pag-ii-scroll sa socmed habang hinihintay siya. Matulin pa sa kidlat itong tumayo nang mapansin siya at sinugod s’ya ng yakap.

“Mamma mia! ‘Wag mong hayaan ang puso mong sirain ng mga lalaking wala namang value sa buhay mo, baby. Ipapakilala kita sa old-money men ko bukas. Gusto mo, mala-mafia ang dating? Mamili ka lang.”

“Okay,” tinatamad niyang tugon.

Gusto lamang siyang i-comfort ni Charlotte pero parang wala itong ganang mabuhay. Kumalas ito at pinasadahan ng tingin ang kaibigan mula paa hanggang ulo. Napanganga siya ng makita ang manstya ng dugo sa damit nito.

“Oh, santo cielo! Nasaktan ka ba? Saan?”

Binaba ni Hazel ang tingin sa damit at may ilang patak ng dugo doon. “Hindi ito sa akin.”

“Eh, kanino?

“Ah, malamang kay Amelia o kay Dominic.”

“W-What?”

“Binugbog ko silang dalawa kanina.”

Namulagat ito sabay taas ng mga kilay. Kakakita niya lamang sa dalawa sa hospital tapos ngayon tanghali ay nabugbog na ng kaibigan niya. Syempre na-impress siya kaya binigyan agad ng thumbs up ang bestfriend.

“Sadyang pinagpala talaga tayo, kagaya mo akong hot-tempered na madaling makakagawa ng gulo kaya sisiw lang tuwing paparusahan ang mga bastardo at maharot.”

Sayang lang pala ang pag-aalala niya na baka umiyak ito kapag malaman na nagbalikan ang dalawa, pero kagaya niya ay pinili nitong parusahan ang dalawa. Natutuwa siya sa pambubugbug ka-ek-ekan nito. She felt relieved after she learned this move.

Hindi naman masamang tao si Hazel, nawawalan lamang ito ng pasensiya tuwing magloloko ang white lotus na pekeng anak ng mga Monteverde.

“Mabuti pa’ng ililibre kita ng samgyup bilang gantimpala. Tara, kumain muna tayo!” yaya ni Charlotte.

Tumango si Hazel. “Um-absent ka ba o nag-leave para pumunta rito, Lottie?”

“Hindi! Nag-early out lang para yayain kang kumain sa labas at makipag-marites. Pero babalik din naman ako after ng dinner,” paliwanag nito.

Lumabi siya. Malamang nag-aalala ito na baka malulungkot at iiyak siya matapos malaman ang pagtataksil ng nobyo niya bago ang kasal nila. Hinila nito ang braso niya at ilang sandali ay nasa Korean-style restaurant na sila.

Sumalpok ang kilay niya habang isa-isang nilalagay ang gulay sa kumukulong sabaw. “Next time, h’wag na tayong kumain dito. Nauubos lang ang oras ko sa pagluluto rito. Kakain ba tayo o magluluto na lang?”

“Hay, ang tamad mo talaga, beshy!”

Mas gusto niya kasi sa fine dining restaurant na matagal matapos kumain dahil niluluto pa ng chef ang menu.

“Na-miss ko lang ang restaurant sa Pasay. Ang sasarap ng European cuisine doon. Ha… lalo na ang steak!”

“Oh, shut up! Tumikim ka rin minsan ng Asian foods ‘no? Oh ayan, kainin mo.” Nilapag nito ang isang hiwa ng pork belly sa lettuce niya. “Ibalot mo d’yan at kainin mo. Promise, makakalimutan mo talaga ang pangalan mo.”

Tahimik niyang kinain ‘yon.

“So, what are you planning right now?” Mayamaya’y tanong nito.

Biglang nawala ang lasa ng kinakain niya nang muling maalala ang ang fiancée o sabihin nating ex niya.

“We canceled our wedding.”

Huminto ito. Nalaglag ang hawak na chopstick. “Papayag ba ang dalawang angkan niyo?”

“Hindi ko na kailangan ng approval nila.”

Tinikom nito ang bibig. Ang totoo n’yan ay hindi siya pumapayag sa engagement na ito. Matapos malaman ng mga Juarez na hindi totoong anak si Amelia ay pinakansela ng mga ito ang kasunduan ng kasal. Natakot ang pamilya niya dahil nakasasalay ang kompanya nila sa kompanya nito. Kaya hayun, pinag-usapan ng mga magulang niya na siya ang magpapakasal sa lalaki.

Malaking bonus din noong biglang pinagtanggol siya ni Dominic noong nag-away sila ni Ameliá. Minahal siya nito at tinuring na mahalagang hiyas matapos mawala ng pekeng babae. Pero may iba pala itong binabalak.

Parang gusto siyang gamitin ng lalaki kaya hayun sinikap niya na huwag mahulog ang loob dito.